Saltanatty sharaǵa oblystyq partııa fılıaly tóraǵasynyń birinshi orynbasary Aqmaral Álnazarova men qalalyq partııa fılıaly tóraǵasynyń birinshi orynbasary Shárip Ábdirahmanov qatysyp, qaladaǵy jastar uıymdarynyń basyn biriktiretin uıymnyń jumysyna sáttilik tiledi.
- «Nur Otan» eldiń, halyqtyń partııasy. Partııanyń árbir múshesi halyqpen birge bolyp, olardyń muń-muqtajyn sheshýge, bılikke jetkizýge jumys jasaý kerek. Osy oraıda partııa músheleriniń belsendiligin arttyrýǵa, azamattarmen jáne ár adammen jeke dıalog ornatý jumysyn jandandyrýdy kózdep otyrmyz. Bul bastaýysh uıym bolashaqta jastarymyzǵa partııa tarapynan qoldaý kórsetetin ortalyqqa aınalyp, olardyń saıası lıderlerge aınalýyna septigin tıgizetin bolady dep oılaımyz jáne mundaı uıymdardy múmkindigine qaraı aýdan ortalyqtarynan da ashý josparlanyp otyr degen partııa fılıaly tóraǵasynyń birinshi orynbasary bastaýysh partııa uıymdarynyń jumysyn jetildirý boıynsha oblystyq partııa fılıaly tarapynan qolǵa alynǵan jumystardy da atap ótti.
- Qazir bastaýysh partııa uıymdaryn ońtaılandyrý boıynsha oblystaǵy shaǵyn uıymdar biriktirilip, iri bastaýysh uıymdar jasaqtalýda. Buryn oblysta 272 bastaýysh uıym bolsa, qazir 245 bastaýysh uıymǵa qysqardy. Qajettiligine baılanysty keıbir bastaýysh partııa uıymdary jetekshiligine belsendi partııa músheleri saılanyp jatyr. partııalyq jarnapuldan túsken qarajattyń 20 paıyzyn bastaýysh uıymdarǵa qaıtarý esebinen bastaýysh partııa uıymdarynyń bazasyn nyǵaıtýǵa jumsaýdy josparlap otyrmyz.
Bastaýysh partııa uıymdarynyń jetekshileri men belsendilerin «Nur Otan» partııasynyń oblystyq, qalalyq jáne aýdandyq deńgeılerdegi Saıası keńesteri men Saıası keńes Bıýrolary quramyna engizý, olardy partııalyq kadr rezervine qatystyrý jumystary da qolǵa alynýda. Osylaısha bastaýysh partııa uıymdary jetekshileri men belsendilerin saıası jumystar men sharalarǵa kóptep qatystyrý arqyly olardyń jergilikti problemalardy sheshýge aralasýy men olardyń qyzý jumystyń ortalyqtaryna aınalýyn kózdep otyrmyz,-dedi ol.