Aıta ketelik, Arys qalasynda aıtyp kelmeıtin apat oryn alǵannan keıin barsha elimiz bolyp, aýyrtpalyqqa ıyqtaryn tosqan bolatyn. Sonyń bir parasy balalardyń demalysy, alǵashqy lekte 150 bala kelip Býrabaı baýraıyndaǵy «Zvezdnyı» jáne «Samuryq» balalar demalys lagerlerine ornalastyryldy. Bul jaqtaǵy aýa raıynyń erekshelikterine oraı, olar jyly kıim, basqa da kerek-jaraqtarmen tolyq qamtamasyz etildi. Dem alýlaryna barlyq jaǵdaı jasaldy. Ekinshi lekte, shildeniń 12-si kúni kelgen 112 bala Shalqardaǵy Kókshetaý qalalyqa bilim bólimine qarasty «Sokol» jáne «Chaıka» balalardy saýyqtyrý ortalyqtarynda demaldy.
Búgin kelgen 145 bala «Chaıka» balalardy saýyqtyrý ortalyǵy men Zerendidegi «Avrora-Garden» demalys ortalyǵyna baratyn bolady. Jas meımandardy ejelgi qonaqjaılyq saltymen qarsy alǵan kókshetaýlyqtar temirjol vokzalynda saltanatty jıyn ótkizildi. Alystaǵy Arystan jetken jetkinshekterdiń aldynda oblystyq bilim berý basqarmasy basshysynyń orynbasary Botagóz Dúısenova men oblystyq «Qazaq tili men mádenıeti» qoǵamdyq birlestiginiń tóraǵasy Meırambek Qıyqov aqjarma tilekterin aıtyp, demalys merzimin tıimdi ótkizýlerine tilektestikterin bildirdi.