«Fransııa – Eýropalyq Odaqtaǵy basty saýda-ekonomıkalyq seriktes», — dep Asqar Mamın, QR Tuńǵysh Prezıdenti – Elbasy N. Nazarbaev pen Fransııa Prezıdenti E. Makron Brıýsselde 2018 jyldyń qazan aıynda ótken "ASEM" sammıti aıasynda belgilegen saýda-ekonomıkalyq kún tártibin iske asyrýdyń mańyzdylyǵyn atap ótti.
Fransııa Qazaqstan ekonomıkasyna salynǵan tikeleı ınvestısııalar kólemi boıynsha alǵashqy bes eldiń qataryna kiredi. 2005 jyldan bastap 2018 jylǵa deıin Fransııanyń Qazaqstan ekonomıkasyna qarjy jumsalymynyń kólemi $15 mlrd asty. 2018 jyldyń qorytyndysy boıynsha taýar aınalymy 32,5%-ǵa nemese $4,5 mlrd-qa ósti.
Qazirgi tańda kóliktik mashına jasaý, qurylys materıaldaryn, dári-dármekter, azyq-túlik ónimderin shyǵarý salasynda birlesken óndiris sátti jumys istep tur. Energetıka, ǵarysh salalarynda, jańartylatyn qýat kózderi, ınfraqurylymdy damytý, Smart City jobalary boıynsha birlesken jumys júrgizilip jatyr.
Qazaqstanda fransýz kapıtalynyń qatysýymen, joǵary tehnologııalyq jobalardy júzege asyratyn «Total», «Orano», «Danon», «Vıkat», «Pejo», «Alstom» sekildi 130-dan astam kásiporyn jumys isteıdi.
Qazaqstan Premer-Mınıstri ınvestısııalyq yntymaqtastyqty odan ári damytýǵa, kólik ınfraqurylymy, sıfrlyq tehnologııalar, adamı kapıtal salalaryndaǵy birlesken jobalardy júzege asyrýǵa qyzyǵýshylyq bar ekenin jetkizdi.
«Bizde aýyl sharýashylyǵynda úlken áleýet bar. Fransýzdyq Danone, Lactalis jáne Soufllet kompanııalarymen birlesken jobalardy tabysty iske asyrylǵan jobalar dep aıtýǵa bolady. Qazaqstan – ekologııalyq taza ónimdi óndirý jáne EAEO men QHR elderiniń syıymdy naryqtaryna shyǵý turǵysynan bıznes júrgizý úshin perspektıvaly oryn», — dedi Asqar Mamın.
Fransýz ınvestorlaryna birlesken óndiris oryndaryn ashýda, ımportty almastyrýda jáne agroónerkásiptik ónimderdi odan ári eksporttaýda jan-jaqty kómek kórsetiledi.
«Qazaqstan – Fransııanyń Ortalyq Azııadaǵy jetekshi seriktesi», — dep Fransııanyń ekonomıka jáne qarjy mınıstri B. Le Mer, fransýz tarapynyń QR Tuńǵysh Prezıdenti —Elbasy N. Nazarbaev ashqan jáne Fransııa Prezıdenti E. Makron rastaǵan strategııalyq yntymaqtastyqty jalǵastyrýǵa daıyn ekenin atap ótti.
B. Le Mer Qazaqstan men Fransııanyń saýda-ekonomıkalyq, ınvestısııalyq, ındýstrııalyq salalardaǵy yntymaqtastyq perspektıvalaryn eskere otyryp, yntymaqtastyqtyń jańa deńgeıine ótýi úshin barlyq múmkindikteri bar dep esepteıdi.
QR Premer-Mınıstri Asqar Mamın men Fransııanyń ekonomıka jáne qarjy mınıstri Brıýno Le Mer «Samuryq-Qazyna» UÁQ» AQ men «Bpifrance» ınvestısııalyq kompanııasy arasyndaǵy birlesken ınvestısııalaý týraly, QR Energetıka mınıstrligi, «QazMunaıGaz» UK» AQ jáne «Total» kompanııasy arasyndaǵy sıfrlyq tehnologııalar salasyndaǵy memorandýmdarǵa qol qoıý rásimine qatysty.