Qazaqstan Respýblıkasynyń Prezıdenti Qasym-Jomart Toqaev Qaraǵandy oblysyna jumys saparymen keldi. Memleket basshysyn «Saryarqa» áýjeıynda oblys ákimi Erlan Qoshanov qarsy aldy.
Sapar barysynda el Prezıdenti birqatar ındýstrııalyq jáne áleýmettik nysandarmen tanysady. Sondaı-aq, kenshiler astanasynda Memleket basshysynyń tóraǵalyǵymen elimizdiń ındýstrııalyq-ınnovasııalyq damýy jóninde keńes ótedi.
Tústen keıin sapar Jezqazǵan qalasynda jalǵasady. Onda Q.Toqaev mys balqytý zaýytynyń jumysymen tanysady. Baǵdarlamaǵa sáıkes, 24 tamyz kúni Memleket basshysy Ulytaýda ótetin halyqaralyq týrızm forýmyna jáne ekinshi márte jalaý kóteretin «Jezkıik» halyqaralyq mýzyka festıvaline qatysady, dep habarlady Prezıdenttiń baspasóz qyzmeti.