22-27 tamyz aralyǵynda Tatarstan Respýblıkasynyń astanasy – Qazan qalasynda WorldSkills standarttarynyń kásibı sheberlik boıynsha 45-shi álem chempıonaty ótken bolatyn.
Shyǵys Qazaqstan oblysynyń jastary «WORLDSKILLS SHYGYS-2019» komandasy retinde jasaqtalyp, kásiptik sheberlik standarttarynyń atalǵan álem chempıonatyna qatysyp keldi. Osy jarystan oralǵan júldegerlerdi qarsy alý Semeıdegi elektrtehnıka kolledjinde uıymdastyryldy. Qatysýshylardy quttyqtaýǵa qala ákiminiń orynbasary Aıdar Sadyrbaev kelip, qala basshylyǵy atynan jyly lebizin arnady.
– Bizdiń aldymyzda elimizdiń úzdik sheberleri, talanttar tur, – dedi ol. Olar óz kolledjderimen qatar, Qazaqstannyń namysyn da qorǵap keldi. Shyǵysqazaqstandyq jastardyń deńgeıi joǵary, bilimdi, bilikti ekendikterin kórsetti. WorldSkills standarttary boıynsha «Bolashaq seniń qolyńda!» uranymen ótkizilip otyrǵan chempıonat jumysshy kásipterdiń damýyna qýatty serpin beredi, óıtkeni ol jastardyń suranysqa ıe mamandyqtarǵa kóbirek nazaryn aýdarady.
– Búgin, mine, álem boıynsha ótken Worldskills chempıonatyna qatysýshylarǵa qurmet kórsetip jatyrmyz. Stýdentter aldymen oblystyq, odan keıin respýblıkalyq konkýrstarda úzdik atandy. Sóıtip, mine, respýblıkalyq chempıonatta basty orynǵa shyqsa, al álemdik deńgeıde birneshe stýdentimiz úshinshi orynnan kórindi. Oblys boıynsha 86 kolledj bar. Onda óte bilimdi 35 myń stýdent oqıdy. Osy jarysqa qatysyp kelgen balalar ózgelerge úlgi, – dedi oblystyq bilim basqarmasynyń mamany Gúlmıra Ilııasova.
Qatysýshylar Semeı elektrtehnıka kolledjiniń ujymyna, bilim basqarmasy men qala basshylyǵyna osyndaı qurmet kórsetkenderi úshin rızashylyqtaryn bildirdi.
– Biz qatysqan álemdik jarys jaı ǵana saıys emes, bul mamandardy sapaly daıyndaýdyń jańa joly, – dedi qatysýshylardyń biri Aleksandr Betsold, – álem chempıonatyna qatysqandardyń eńbegi óz aldyna, olardy daıyndaǵan ustazdardyń da biliktiligi keremet ekenin aıta ketken jón.
Chempıonat qorytyndysy boıynsha Qazaqstan jalpykomandalyq esepte 14-shi orynǵa shyqty. 2017 jyly Ábý-Dabıde ótken álem chempıonatynda 24-shi orynǵa taban tiregen edi. Iаǵnı ótken jyldarmen salystyrǵanda úlken ilgerileýshilik baıqalady.
– Biz bul jetistikterdi ári qaraı da damyta beremiz, – dedi elektrtehnıka kolledjiniń dırektory Azat Sárpekov. – Biz óz stýdentterimiz úshin qýanyshtymyz. Alda osyndaı kóptegen chempıonat kútip tur. Bolashaqta ár atalym boıynsha úshinshi orynnan da joǵary kórsetkishterge qol jetkizemiz dep oılaımyn. Álem chempıonatynyń barlyq qatysýshylaryna aldaǵy ýaqytta sáttilik, qyzyqty kezdesýler, jarqyn emosııalar men este qalarlyq áserler, ári qaraı da kásibı ósý tileımiz!
Aıta ketý kerek, Shyǵys pen Batystyń mádenı dástúrleriniń toǵysar orny, iri halyqaralyq is-sharalardyń uıymdastyrýshysy Qazan qalasynyń búkil álemniń jas mamandaryn tartý ortalyǵyna aınalǵany óte keremet boldy. Oblystyq bilim basqarmasynyń mamany G.Ilııasovanyń pikirinshe, qazirgi WorldSkills Kazan chempıonaty – WorldSkills qozǵalysy tarıhyndaǵy eń aýqymdysy. Oǵan álemniń 63 elinen 1 600 jas maman qatysqan. Baıqaýǵa qatysýshylar túrli salany qamtıtyn 56 baǵyt boıynsha saıysqa túsken.
Shyǵys Qazaqstan oblysynyń tehnıkalyq jáne kásiptik bilim berý júıesi oqý oryndarynan 9 sala boıynsha 10 jas maman qatysypty. Atap aıtqanda, elektronıka, elektr-montaj jumystary boıynsha О́skemen polıtehnıka kolledji, mehatronıka, ushqyshsyz ushý apparattaryn basqarý Semeı elektrtehnıka kolledji, CAD ınjenerlik grafıkadan radıotehnıka jáne baılanys kolledji, shashtaraz óneri, meıramhana servısinen bıznes jáne servıs kolledji, aspaz isi boıynsha О́skemen kópsalaly tehnologııa kolledji, kirpish qalaýdan Semeıdegi qurylys kolledji. Mine, osy arnaıy oqý oryndarynyń stýdent jastary saıysqa túsken.
Sonymen chempıonattyń qorytyndysy boıynsha 1 kýrs stýdenti Álı Áskerhanov «Elektrli jáne elektrmehanıkalyq qurylǵylardyń túrleri boıynsha «Ushqyshsyz ushý apparattaryn basqarý» salasynan 3-shi oryn alǵan. Jetekshileri elektrtehnıka kolledjiniń aqparattyq tehnologııalar boıynsha dırektorynyń orynbasary Danııar Smaıylov pen IT-ortalyqtyń zerthanashysy Nıkıta Lobanov.
Aleksandr Betsold, Isajan Raıysov «Iаdrolyq reaktorlar men energetıkalyq ornatýlar» mamandyǵy boıynsha elektrtehnıka kolledjiniń túlekteri, «Mehatronıka» saıysyna qatysýshylar. Olar «Joǵary sheberligi úshin» jáne «Eldiń úzdik ókili» atty atalymdar boıynsha medalondar ıelenipti. Jetekshisi IT-ortalyqtyń basshysy Samır Kerımov.
«WorldSkills» chempıonaty – 82 el men aımaqty biriktiretin jahandyq qozǵalys. Qozǵalystyń maqsaty – kásiptik bilim berýdiń sapasyn jaqsartý jáne jumysshy kásipterdiń bedelin arttyrý. 1950 jyldan bastap chempıonat ár eki jyl saıyn álemniń túrli elinde ótkizilip keledi.
SEMEI