Ala shapandy aǵaıynǵa arnalǵan alǵaýsyz yqylas

Kópshilik aldynda qut­tyqtaý sóz sóı­legen Qazaq­stan halqy Assam­b­leıa­­­sy Tór­aǵasynyń oryn­basary Sher­zod Pýlatov, О́zbekstan­nyń Qa­zaq­­­standaǵy Tótenshe jáne ókiletti el­­shi­si Saıdıkram Nııaz­hodjaev jáne eki el­diń zııaly qaýym ókil­deri el­­­diń berekeli birligin nyǵaıtýdyń mańyzyna toqtaldy.

– Elimizdi mekendegen­ túr­li etnos ókilderin kók týdyń astyna jınap, el ty­nyshtyǵyn, bereke-birligin saqta­dyq. Bul jetistikke qa­­zaq halqy­nyń keń yqy­las-­peıi­li­niń, baýyrmal dos­ty­ǵynyń arqa­synda jáne el basqarǵan azamat­tar­­dyń sarabdal saıasatynyń nátı­­jesinde qol jet­kizdik. Osy baǵytymyzdan taımaı,­ bir úıdiń balasyndaı jumyla jumys istesek, talaı asýlardy baǵyn­dyra­ry­myz sózsiz, – dedi jıyn­da sóz sóıle­gen qoǵam qaıratkeri Rozaqul Hal­mý­ra­dov.

О́zbekstannyń Qazaq­stan­daǵy Tó­ten­­she jáne óki­letti elshisi Saı­dık­ram Nııaz­hodjaev Qazaq­s­tan­­da bar­sha etnostyń tili men má­de­­­nıeti­­­­niń saqtalýyna barynsha jaǵ­daı ja­sal­ǵanyna rızashylyǵyn bil­di­rip, mun­da­ǵy ıgi bastamalar jalpy túrki ále­mine úlgi ekenin til­ge tı­ek etti.

Aıta ketý kerek, mıllıon­nan as­tam turǵynnyń ortaq sha­­ńy­raǵy bol­­­ǵan Shymkent qalasy jurt­shy­ly­­­­ǵynyń 17 paıyzdan astamyn ózbek etno­synyń ókilderi quraıdy.

Qalada ózbek etnomádenı bir­les­ti­gi 1989 jyly qury­lyp, otyz jylǵa jýyq ýaqyt boıy Túr­kis­tan oblysynyń qoǵamdyq-saıası, má­denı ómirine belsene aralasty.

Byl­tyr osy etnomádenı bir­les­tik qalalyq mártebesin alyp, osyndaǵy 178 myń óz­bek etnosy ókilderiniń qa­zaqstandyq qoǵamnyń ortaq qundy­lyq­taryn qasterleýine uıytqy bolyp otyr.

Birlestik janyndaǵy aq­sa­­qal­dar alqa­sy, jastar qanaty, «Bahor», «Ferýz» shy­ǵarmashylyq ujym­dary Shym­­kenttiń dara dás­tú­rin jalǵap, qoǵamdyq-mádenı tur­­my­syn baıytyp keledi.

ShYMKENT