Eýrazııa elderi parlamentteri spıkerleri keńesiniń qorytyndysy boıynsha kommentarıı

Keńestiń kún tártibi asa mańyzdy ári mazmundy boldy.

Erkin, múddeli jáne tıimdi kóptarapty únqatysý óristedi.

Onda, árıne Parlamenttiń árbir basshysy óz pikirinde eliniń ulttyq múddelerin ne­giz­ge aldy. Degenmen forým­nyń rýhy men ahýaly bizdi nátı­jeli únqatysý nıetine jetki­zip, bizdi bólmeı, birikti­retin taqyrypty tabýǵa, óza­ra túsinistik núktelerin izdes­tirýge tyrysty.

Reseı, Ońtústik Koreıa, Túr­kııa, endi Qazaqstan Eýro­pa men Azııa elderi yntymaq­tas­ty­ǵynyń mańyzdy máselelerin talqylaý úshin tıimdi alańǵa aınaldy.

Sammıt barlyq árip­tes­terge birkelki jáne beıresmı senimdi qarym-qatynas ja­saýǵa múmkindik berdi. Bul jerde Eýrazııa júregindegi saıa­sı alańdaǵy kezdesýlerde dos­tyq rýhy qanat jaıyp, shy­naıylyq pen qýanysh ornady.

Osy kúnderi men jıyrmadan astam ekijaqty kezdesýler ótkizdim. О́tken kezdesýler óte mańyzdy – olar parlamentter basshylary arasyndaǵy senimdi qatynastardy damytady. О́ıtkeni teń quqyqty únqatysýlarda adamdardy tolǵandyratyn máselelerdi sheshýge baǵyttalǵan jańa ıdeıalar men birlesken jobalar týady.

Osynyń bári Eýrazııa el­deri arasyndaǵy senim men óza­ra túsinistiktiń nyǵaıýyna, beı­bit­shilik pen ózara tıimdi yn­ty­maqtastyqtyń múddelerine jumys isteıdi.

Meniń oıymsha, 25 jyl buryn bizdiń elimizdiń Tuńǵysh Prezıdenti Nursultan Nazar­baev aıtqan ıdeıalar qazirgi kezde áli de mańyzdy ári damyp keledi, kóp jaǵdaıda Eýrazııa keńistigindegi ıntegrasııalyq úderisterdi aıqyndady jáne qurlyqtyń qazirgi zamanǵy qalyptasqan geosaıası kelbe­ti men ıntegrasııalyq ekonomı­kalyq bastamalarǵa serpin berdi. Ol týraly kópshilik me­nimen kelisedi dep oılaımyn.

Eýrazııalyq ıdeıa, Nazar­baev­tyń eýrazııalyq ıdeologııasy Eýropa men Azııa elderi saıasatkerleriniń kóptegen býy­nyn HHI ǵasyrdaǵy jańa sapadaǵy ıntegrasııaǵa shaqy­ryp otyr.

Úlken Eýrazııanyń keıingi onjyldyqtaǵy sıpaty qalaı bolatyny bizdiń kóz aldymyzda tur.Men bul ıdeıaǵa nyq sene­min.

Ol optımızmge toly oń ıdeıa. Ol barlyq salalar­da erekshe senim men yntymaq­tas­tyq keńistigin qalyptasty­rady, Eýrazııa keńistigindegi beıbitshilikke jáne onyń ha­lyqtarynyń órkendeýine yqpal etetin bolady.

Bizdiń qurlyqtyń barlyq sanaly turǵyndarynyń armany da osy dep bilemin.

Úlken Eýrazııa ıdeıasy ómirdiń ózi sııaqty máńgilik jáne tabıǵı bolyp otyr.

Ideıa shyndyqqa aınalýy úshin aýqymdy ári tynymsyz jumys qajet. О́tken forým bul múmkin ekenin kórsetti, ıaǵnı solaı bolady.

Darıǵa NAZARBAEVA,Qazaqstan Respýblıkasy Parlamenti Senatynyń Tóraǵasy