Qazaqstan Respýblıkasy Parlamenti Senatynyń depýtaty Dana Nurjigit Reıkıavıkte «Women Political Leaders» qory, Islandııa Úkimeti men Parlamenti uıymdastyrǵan kóshbasshy áıelderdiń jahandyq forýmyna qatysty. Bul týraly Senattyń baspasóz qyzmeti habarlady.
Forýmǵa álemniń túkpir-túkpirinen saıası, bıznes, akademııalyq qaýymdar men úkimettik emes uıymdardyń, sondaı-aq UN Women uıymynan barlyǵy 500-ge jýyq ókilder qatysty.
Forýmnyń negizgi maqsaty eń úzdik tájirıbelerdi almasý, kún tártibindegi genderlik máselelerdi, onyń ishinde saıası sheshimder qabyldaýdaǵy, janjaldardy boldyrmaý jáne retteýdegi áıelderdiń rólin ilgeriletý jáne basqa da máseleler bolyp tabylady.
Shara aıasynda D.Nurjigit Altıng (Islandııa Parlamentiniń) Tóraǵasy Steıngrımýr Sıgfýssonmen jáne basqa elder parlamentteriniń ókilderimen kezdesti.
Kóshbasshy áıelderdiń jahandyq forýmy 2017 jyldan beri jyl saıyn álemdegi eń soltústik astana - Reıkıavıkada ótip keledi.