«Azyq-túlik korporasııasy astyqtyń rezervtik qoryn qalyptastyrýdy aıaqtady. Eldiń arnaıy qoımalaryna 2019 jylǵy eginniń 350 myń tonna bıdaıy túsirildi.
Buǵan deıin habarlanǵandaı, aǵymdaǵy jyldyń 28 qazanynda «Azyq-túlik kelisim shart korporasııasy» UK astyq satyp alýdy jedeldetý úshin rezervtik qorǵa satyp alý baǵasyn qaıta ózgertti. Eski jáne jańa kórsetkishter arasyndaǵy aıyrmashylyq ónimniń sapalyq kórsetkishterine baılanysty tonnasyna 18 myń teńgege jýyq qarjyny qurady.
Azyq-túlik kelisim shart korporasııasy astyq jınaý barysynda qolaısyz aýa-raıy jaǵdaılaryna tap bolǵan qazaqstandyq sharýalardyń astyqty joǵarǵy baǵamen ótkizýlerin qamtamasyz etti.
Jalpy Azyq-túlik korporasııasy 2019 jylǵy 3 jáne 4 surypty 350 myń tonna bıdaı satyp aldy.
Qalyptasqan azyq-túlik astyǵynyń kólemi kóktemgi-jazǵy kezeńde otandyq un tartý kásiporyndaryn qamtamasyz etý úshin paıdalanylatyn bolady, ol qajet bolǵan jaǵdaıda Qazaqstan Respýblıkasynyń naryǵynda un men nan-toqash ónimderine baǵany ustap turý úshin paıdalanylady», delingen habarlamada.