Chehııanyń «Klementıným» Ulttyq kitaphanasynda Qazaqstannyń Ulttyq akademııalyq kitaphanasy men Chehııa ulttyq kitaphanasynyń arasynda yntymaqtastyq týraly memorandýmǵa qaıta qol qoıý rásimi boldy.
Chehııanyń «Klementıným» Ulttyq kitaphanasynda Qazaqstannyń Chehııadaǵy elshiliginiń jáne Qazaqstannyń Ulttyq akademııalyq kitaphanasynyń bastamasymen eki kitaphana basshylyǵynyń kezdesýi uıymdastyrylyp, oǵan elshilik qyzmetkerleri de qatysty.
Kezdesý aıasynda eki el kitaphanalarynyń arasynda yntymaqtastyq týraly memorandýmǵa qaıta qol qoıyldy. Kelissóz qorytyndysy boıynsha taraptar aldaǵy 2020 jyly Chehııanyń Ulttyq kitaphanasynda uly qazaq aqyny Abaı Qunanbaevtyń 175 jyldyǵyna arnalǵan mádenı-aqparattyq ortalyq ashý týraly ýaǵdalasty. Atalǵan ádebı ortalyqqa qazaq aqynynyń eńbekteri, uly danyshpan ómiriniń túrli kezeńderin beıneleıtin kartınalar qoıylyp, saıt qurylady jáne osy ortalyqtyń qyzmeti týraly keń kólemdi aqparat qamtylǵan bıýlleten ornalastyrylady.
Bul cheh jurtshylyǵyna qazaqtyń mádenıeti men ádebıetin keńinen tanyp-bilýge múmkindik berip qana qoımaı, jazýshylardyń, mádenıet, bilim jáne ǵylym salalaryndaǵy qoǵam qaıratkerleriniń shyǵarmashylyq kezdesýleri úshin arnaıy alańqaı bolmaq.