Elordada «Bir álem – bir ómir» (One world – one life) atty halyqaralyq jastar baly ótti. Bul týraly Nur-Sultan qalasy ákimdiginiń baspasóz qyzmeti habarlady.
Saltanatty shara barysynda sóz sóılegen qala ákiminiń orynbasary Baqtııar Máken Jastar jylynda atqarylǵan jobalardy atap ótti.
«Bıyl memleket tarapynan jastarǵa joǵary deńgeıde kóńil bólindi. Olardyń bilim alýyna, jumys isteýine, ózin damytýyna arnalǵan jobalar júzege asyrylýda. Ákimdiktiń uıytqy bolýymen jastar jylynyń jol kartasy boıynsha 136 joba aıasynda 600-den astam is-shara ótkizildi. Búgingi ball – Nur-Sultan qalasy jastarynyń barsha sanatyn bir áýen, bir ıdeıa aıasyna jınaıtyn, jastarymyz asyǵa kútetin jyldyń qorytyndy sharalarynyń biri. Bıyl jastar baly álemniń 9 memleketiniń belsendi jastarynyń qatysýymen halyqaralyq deńgeıde uıymdastyrylyp otyr», dedi ol.
Sondaı-aq ákim orynbasary Táýelsizdik kúnine qarsy jastarǵa páter tabystalǵanyn da tilge tıek etti.
«14 jeltoqsanda Qazaqstan Respýblıkasynyń Táýelsizdik kúni qarsańynda jumys isteıtin jastar úshin satyp alý quqyǵynsyz jalǵa beriletin turǵyn úı berý baǵdarlamasy iske asyryldy. Onyń nátıjesi boıynsha qalanyń jumys isteıtin jastaryna 1050 páter tabystaldy», dedi B. Máken.
Uıymdastyrýshylardyń habarlaýynsha, bıylǵy qaıyrymdylyq ball halyqaralyq deńgeıde ótýde, ıaǵnı oǵan Reseı, Qytaı, Nıgerııa, Tájikstan, О́zbekstan, Qyrǵyzstan, Ýkraına, Indonezııa jáne Venesýela eliniń ókilderi qatysyp jatyr.