Aqtaýda saltanatty túrde jańadan «Taifun» sport klýbynyń ashylýy ótti. Sharaǵa Mańǵystaý oblystyq Taekwondo GTF federasııasynyń prezıdenti, qara belbeý men 4 dan ıegeri Sáttiǵul Ábitov, jas jaýyngerlerdiń ata-analary jáne sport janashyrlary qatysty.
Qajetti sporttyq qural-saımandar jabdyqtalǵan zaldyń ashylýyn aqtaýlyqtar kópten kútken bolatyn. Endigi jerde tájirıbeli bapkerler balalar men eresekterge taekvondonyń qyr-syryn úıretýge daıyn. Alǵashqy bolyp sóz alǵan «Taifun» sport klýbynyń jetekshisi Búrkit Isakuly, sport zal qajettilerdiń barlyǵymen qamtylǵanyn jáne osyndaı úıirmelerden álemdi moıyndatar sportshylar shyǵatynyna kúmán keltirmeıtinin jetkizdi.
- Búgingi sharaǵa belsendi qatysýǵa kelgenderińiz úshin alǵys aıtamyn. Bolashaqta osy zal kásipqoı sportshylar shyǵatyn orynǵa aınalady dep senemin. Jalpy elimizde taekvondo qarqyndy damyp kele jatyr. Bizdiń sport zalda 250 bala jattyǵatyn bolady,- deıdi bapker Búrkit Isakuly.
Sharaǵa kelgen ata-analar klý tárbıelenýshilerine senim artatyndaryn bildirdi.
- «О́rleý», «Taifun» jáne «Dragon» sport klýbtarynda jattyǵatyn balǵyn taekvondoshylar halyqaralyq týrnırler, el birinshilikteri jáne álem chempıonattarda júldeger atanyp júr. Eń bastysy olardyń boıynda jeńiske degen jigeri bary qýantady. О́zderiniń sporttyq sheberlikterin shyńdap, ózara tájirıbe almasyp, alda ótetin jarystarǵa daıyndyqty bastap ketti. Keler aıdyń 16 juldyzynda qalalyq ashyq týrnır ótkizý josparlanyp otyr. Endeshe jas taekvondoshylarǵa atoı salyp, óńirdiń namysyn álemdik arenaladarda abyroımen qorǵaýyna tilek bildiremiz,- deıdi ata-analar atynan Mańǵystaý oblystyq Taekwondo GTF federasııasy janyndaǵy ata-analar komıtetiniń múshesi Nurbol Qonjar.
Mańǵystaý oblysy