Turaqty damý tuǵyry

ENRC, Eýrazııalyq tabıǵı resýrstar korporasııasy Qazaqstanda alǵashqylardyń biri bolyp turaqty damý týraly esep berýdi dástúrge aınaldyrdy. Kompanııa 2012 jyldyń qorytyndysy boıynsha ekinshi esebin jarııalady.

ENRC, Eýrazııalyq tabıǵı resýrstar korporasııasy Qazaqstanda alǵashqylardyń biri bolyp turaqty damý týraly esep berýdi dástúrge aınaldyrdy. Kompanııa 2012 jyldyń qorytyndysy boıynsha ekinshi esebin jarııalady.

Esepte kompanııanyń qor­shaǵan ortany qorǵaý, óner­kásip qaýipsizdigi, adamdardy basqarý jáne jergilikti qaýymdastyqtarmen qarym-qatynas jasaý salasyndaǵy eleýli jetistikteri kórinis tapqan.

Atap aıtar bolsaq, energııa únemdeý máselelerindegi naqty jetistikter talqylanǵan. Mysaly, 2012 jyly ENRC quramyndaǵy Qazaqstan elektrolız zaýytynda elektr energııasyn paıdalanýdy tómendetý jobasy júzege asyrylǵan. Onyń ekonomıkalyq áseri 263,5 mln. teńgeni qurap otyr. Nátıjesinde kásiporyn «Altyn Gefest» baıqaýynda jeńimpaz atandy. Qorshaǵan ortany qorǵaý mınıstrligi kásiporyndy ekologııa salasynda úzdik dep tanydy.

Pavlodar mashına jasaý zaýyty sııaqty korporasııanyń kásiporyndaryndaǵy elektr energııasyn paıdalanýdy únem­deý is-sharalary jylyna 4,76 teradjoýldi (zaýyt tutynatyn elektr energııasynyń 43%-y) saqtaýǵa múmkindik berdi. Jáırem KBK jáne «Kazmarganes» KB-da («Kazhrom» TUK» AQ fılıaldary) bul kórsetkish 83 teradjoýlge jetken (12%). ENRC ǵylymı-zertteý ortalyǵy da elektr energııasyn únemdeýge atsalysady.

Korporasııanyń kásip­oryn­darynda qazirgi jáne burynnan jınalǵan ferroqorytpa qoj­daryn qaıta óńdeý jalǵasýda. Jer jáne sý resýrstaryna erekshe nazar bólinedi. Jerdi rekýltıvasııalaý boıynsha ja­ýap­kershilikter tolyǵymen oryndalǵan, sýdy qaıta paıdalaný júıesi qoldanylady. 2012 jyly Dóń KBK («Kazhrom» TUK» AQ fılıaly) Aqtóbe oblysynda jańa sý qoımasyn iske qosty. Bul qoıma óńirdegi aýyz sý men tehnıkalyq maqsattaǵy sýlardyń kózine aınalady. Qurylystyń jobasy 20 mln. AQSh dollaryn qurady.

Eńbekti qorǵaý salasyn basqarý densaýlyq pen eńbek qaýipsizdigin saqtaýdyń halyqaralyq standarttaryna (OHSAS) sáıkes júr­giziledi. Korporasııanyń kásiporyndarynda densaýlyq saqtaý salasyna ınvestısııa­lar baǵyttalady. Byltyr halyq­aralyq DuPont sarapshylyq kompanııasy ENRC-di «2009-2011 jyldary eńbekti qorǵaý salasyndaǵy úzdik jetistikter» syılyǵymen marapattady.

2012 jyly Top eńbekaqy tóleý sharttaryn qaıta qarastyrýdy júzege asyrdy. ENRC-diń Qazaq­standaǵy kásiporyndarynda negizgi jalaqy ortasha eseppen 20%-ǵa ósti. Qyzmetkerler men olardyń otbasylaryna arnalǵan áleýmettik baǵdarlamalardy júzege asyrý jalǵasýda.

KPMG kompanııasymen bir­ge korporasııa Qazaqstanda iri áleýmettik zertteý júrgizdi. Onyń nátıjeleri áleýmettik ınvestısııa strategııasyn júzege asyrýda qoldanylady. Byltyrǵy jyly ENRC-diń áleýmettik salaǵa baǵyttaǵan ınvestısııalary 121 mln. AQSh dollaryn qurady. Pavlodar oblysyndaǵy Aqsý qalasynda Sport saraıyn salǵany úshin ENRC quramyndaǵy «Eýroazııalyq energetıkalyq korporasııa» AQ «Jyldyń áleýmettik jobasy» nomınasııasynda «Pa­ryz» syılyǵyna ıe boldy. «Bilim berý salasyndaǵy úlken jetistikteri úshin» «Kazhrom» TUK, EEK, QEZ jáne «Qazaqstan alıýmınııi» kásiporyndary (ENRC quramynda) «Mesenat» altyn medalin ıelendi.

Osylaısha, kompanııa anaǵur­lym tıimdi, qaýipsiz jáne tu­raq­ty óndiriske umtylyp, kún saıynǵy jumysta turaqty damý prınsıpterin ustanady. Sóıtip, Qazaqstannyń «jasyl» ekonomıkaǵa umtylysyna qoldaý kórsetedi. Byltyr «Ekspert-100-Qazaqstan» bedeldi uıymy Topty «Turaqty damýǵa umtylysy úshin» belgisimen marapattady.

– Bizdiń jetistikterimiz zań­na­manyń talaptaryna jáne halyqaralyq standarttarǵa sáıkes keledi. Osylaısha, múddeli taraptardyń úmitin aqtaıdy, – dep atap ótti ENRC PLS bas atqarýshy dırektory Felıks Výlıs.

Sóz oraıynda aıta keter bolsaq, ENRC paıdaly qazbalardy qazyp alý jáne baıytý salasynda jetekshi ártaraptandyrýshy kompanııalar toby bolyp tabylady, ol ken qazyp alý, óńdeý, energetıka, kólik jáne marketıng kásiporyndarymen ıntegrasııalanǵan.

Toptyń óndiristik aktıv­teri negizinen Qazaqstan Respýb­lıkasynda ornalasqan jáne quramyna kelesi kásiporyndar kiredi: «Qazhrom» TUK, Jáı­rem KBK, Sokolov-Sarybaı taý-ken baıytý óndiristik birles­tigi (SSKО́B), «Qazaqstan alıý­mınııi», Qazaqstan elektrolız zaýyty (QEZ), Eýrazııalyq ener­getıkalyq korporasııa (EEK), Shubarkól Kómir jáne ENRC Logistics.

ENRC FTSE 100 tizimine kiredi. ENRC-de qazirgi ýaqytta 75 000-nan astam adam jumys isteıdi, onyń 69 000-y Qazaqstanda.

Mereke TAŃATAROV.