Munaıly qaladan ashylǵan jańa ortalyqtyń maqsaty – munaı salasynyń mamandary úshin biliktilikti arttyrý sabaqtary men bıznes trenıngter ótkizý, sondaı-aq tehnıkalyq qaýipsizdik, órt qaýipsizdigi jóninde bilim berý.
Búginde ortalyqta 5 muǵalim dáris ótkizýde.
Ortalyqtyń ashylýyna onyń basshysy Qýandyq Toǵjanov «Nur kapıtal» baǵdarlamasymen 30 mln teńge kóleminde 1 paıyzdyq nesıe alyp, 10 mln teńge ınvestısııa bólgen.
Qaı jumysta bolsa da saýattylyq, kásibı sheberlik aldyńǵy orynda, óıtkeni ol – zaman talaby. Biz saýatty da bilikti mamandar qataryn kóbeıtýdi mindet etip otyrmyz. Aldaǵy ýaqytta dáris oqyp, tájirıbelerin bólisý úshin sheteldik mamandardy shaqyrtý da oıymyzda bar, deıdi 28 jastaǵy jańaózendik kásipker.
Mańǵystaý oblysy