Eńbek jáne halyqty áleýmettik qorǵaý mınıstri Birjan Nurymbetovtiń qabyldaýyna 8 adam keldi, onyń ishinde elorda, Shymkent jáne Qaraǵandy qalalarynyń turǵyndary bar. Bul týraly Eńbek jáne halyqty áleýmettik qorǵaý mınıstrliginiń baspasóz qyzmeti habarlady.
Azamattar óz ótinishterinde múgedektikti qaıta belgileý, jumysqa ornalasý, zeınetaqylar men áleýmettik tólemder berý, múgedekterdi áleýmettik qamsyzdandyrý, jalaqy tólemeý jáne jumysshylardyń eńbek quqyqtarynyń buzylýy sııaqty máselelerdi kóterdi.
Barlyǵyn qabyldaǵan Birjan Nurymbetov ótinish bildirgen azamattardyń ótinishteri men usynystaryn muqııat tyńdap, barlyq ótinishterge tolyqqandy jaýap berdi.
Mınıstr qaraýǵa qosymsha ýaqyt talap etetin máselelerdi jeke baqylaýyna aldy. Sondaı-aq Birjan Nurymbetov Eńbek, áleýmettik qorǵaý jáne kóshi-qon komıteti men Eńbekmıni departamentteriniń basshylaryna azamattardyń máselelerin qoldanystaǵy zańnama aıasynda sheshýge kómektesýdi tapsyrdy.