Aqtaýda Murat О́skinbaev atyndaǵy Mańǵystaý oblystyq fılarmonııa ujymy 8 naýryz halyqaralyq qyz-kelinshekter kúnine oraı «Aqshaǵala» tobynyń konsertin uıymdastyrdy. Ánshiler jandy daýysta án shyrqaǵan konsertke óńirdegi birneshe uıymnyń ókilderi jınalyp, ujymdaǵy arýlarǵa arnalǵan mýzykalyq quttyqtaýdy qabyl aldy.
Alǵashqy mýzykalyq quttyqtaý mádenıet salasynda kóptegen jyldar qyzmet jasap, ólkeniń rýhanı damýyna ózindik úlesterin qosqan ardager apalarǵa aǵaıyndy belgili ánshiler Asqar, Asanáli Kósherovter Aleksandr Zasepınniń «Mama» ánin oryndap berdi.
Sonymen qatar konsertte kezek-kezegimen Mańǵystaý oblystyq mádenıet basqarmasy, Mańǵystaý oblysynyń mádenıet, tilderdi damytý jáne arhıv isi basqarmasy, Aqtaý qalasy ákimshiligindegi qyz-kelinshekter, Nurmuhan Jantórın atyndaǵy oblystyq mýzykalyq drama teatry, oblystyq qýyrshaq teatry, ártúrli salalarda qyzmet jasap, ózderiniń eńbegimen kórinip júrgen áıelder, Bilim jáne ınnovasııa lıseıi, О́ner kolledji jáne Mýzykalyq mektep arýlary, Mańǵystaý oblystyq ólketaný murajaıy, Mańǵystaý oblystyq memlekettik tarıhı-mádenı qoryǵy men Otpan memlekettik kommýnaldyq qazynalyq kásiporynnyń qyzdary, oblystyq ǵylymı ádistemelik ortalyǵy men oblystyq kitaphana, «Abaı» mádenı-demalys kesheni arýlary, oblystyq aýrýhana men oblystyq emhananyń qyz-kelinshekteri, sondaı-aq buqaralyq aqparat quraldary salasynda júrgen qyzdar úshin arnaıy mýzykalyq quttyqtaý arnaldy.
Mańǵystaý oblysy