Bul týraly «Habar 24» telearnasynyń tikeleı efırinde Aqparat jáne qoǵamdyq damý mınıstri Dáýren Abaev aıtty.
«Qurmetti Qazaqstandyqtar! Bul tikeleı efırdi onlaın brıfıng emes, úndeý dep qabyldaǵan jón. О́zderińiz kórip otyrǵandaı, indettiń taralýy údep barady. Bir túnde 40-tan asa adamnyń anyqtalǵany alańdatatyn jaǵdaı. Qazir vırýs juqtyrǵandardyń sany 204-ke jetti. 1899 adam stasıonarlyq karantınde jatyr. 3,5 myńnan astam adam úı karantıninde, 6 myńnan asa adam aýyrǵandarmen baılanysta bolǵan, olardyń 95% anyqtaldy. Biz óte kúrdeli kezeńde turmyz. Vırýs taralýyn baqylaı almaý qaýpi týyndap otyr», dedi Aqparat jáne qoǵamdyq damý mınıstri Dáýren Abaev.