Koronavırýs ınfeksııasymen kúres kezeńinde Qazaqstannyń 7 myńnan astam azamaty elge jetkizildi. Bul týraly Aqparat jáne qoǵamdyq damý mınıstri Dáýren Abaev habarlady.
«Memlekettiń óz azamattaryna degen qamqorlyǵy osyndaı qıyn kezde kórinedi. Prezıdenttiń tapsyrmasymen, 18 naýryzdan bastap, sheteldegi 7702 Qazaqstan azamatyn memleket óz kúshimen elge ákeldi. Memleket taǵy 752 azamatty ákeledi. Bul Memleket basshysynyń erekshe baqylaýyndaǵy másele», - dedi mınıstr.
Sondaı-aq mınıstr koronavırýspen kúreste medısına qyzmetkerlerine aı saıyn mıllıon teńgeden beriletinin aıtty.