Tanymal qazaqstandyq erejesi jekpe-jek sheberi Georgıı Kıchıgın reseılik ASA (Absolute Championship Akhmat) kompanııasymen kelsimshartqa otyrdy.
Jartylaı orta salmaqta kúsh synasyp júrgen aıtýly sportshy kezinde FN Global nuqsasy boıynsha chempıondyq belbeýdi ıelengenin jankúıerler jaqsy biledi. Kıchıgınniń osy sport túrin serik etkenine jeti jyldan asty. Sol aralyqta 29 kezdesý ótkizgen ol 23 ret jeńiske jetti. Ár jyldary Alash Praıd, One FC jáne RCC jarystarynda baq synady. Sońǵy ret 2019 jyldyń 14 jeltoqsanynda Reseıde ótken týrnırde brazılııalyq Kleber Soýzany ekinshi raýndta «qylqyndyrý» ádisimen utty.
Esterińizge sala keteıik, ASA promoýsheninde Qazaqstannyń birqatar órenderi óner kórsetýde. Solardyń tórteýi «TOP-10» sportshylar qatarynda. Atap aıtsaq, jartylaı aýyr salmaq dárejesinde Evgenıı Egemberdıev pen Asyljan Baqytjanuly tórtinshi jáne besinshi oryndardy ıelenýde. Jeńil salmaqtaǵy Artem Reznıkov altynshy oryndy enshileýde. Al jartylaı jeńil salmaqtaǵy Nursultan Qasymhanov úzdik ondyqty qortyndylap tur. Bul sportshylardyń barlyǵy da Almatyda irgetasy qalanǵan «Alash Praıd» klýbynyń músheleri.