Aqtaýda gıpermarketke kelýshiler bastan-aıaq dezınfeksııa jasaıtyn týnnelden ótetin bolady, dep habarlaıdy Aqtaý qalasy ákiminiń baspasóz qyzmeti.
Dúkenge kelýshilerdiń joǵary jaǵynan arnaıy suıyqtyq búrký arqyly olardy tolyqtaı dezınfeksııalanýdan ótkizetin qurylǵy Aqtaý qalasyndaǵy «Eńbek« RMK-da jasalǵan. Aqtaýdaǵy iri saýda oryndarynyń biri «Dına» gıpermarketi bastamany qoldap, qurylǵyny eń alǵashqy bolyp satyp aldy.
Saýda ornynynyń dál aldan ornatylǵan qurylǵy men onyń jumys jasaý tásili týraly «Dına» gıpermarketiniń ákimshiligi Aqtaý qalasy ákiminiń orynbasary Serik Gýsmanǵa tanystyrdy.
-Tótenshe jaǵdaıǵa baılanysty shekteýler engizilgenimen, azyq-túlik dúkenderi, dárihana, bankter jumystaryn jalǵastyrady. Sondyqtan qalǵandaryn da osyndaı zalalsyzdandyrý týnnelderin ornalastyrýǵa shaqyramyz. Bul, halyqtyń ıgiligi úshin, árqaısymyzdyń densaýlyǵymyz úshin paıdaly, dedi qala ákiminiń orynbasary Serik Gýsman.