Ulttyq Bank Jambyl oblystyq fılıalynyń dırektory Evgenıı Sharygın ekinshi deńgeıli bankterdiń tólemder men járdemaqy tóleý jumystarynyń merzimi uzartylýyna qatysty sharalardy habarlady.
Sáýir aıyndaǵy málimetterge sáıkes, bankterde 42500 teńge kólemindegi járdemaqyny tóleý boıynsha barlyǵy 43835 shot ashylǵan. Búgingi tańda kóptegen bankterde elektrondyq qyzmetter qoljetimdi. Sondyqtan da Evgenıı Sharygın bul oraıda bólimshelerge barmaı-aq tólem kartalaryn jáne shottardy ashýǵa bolatyndyǵyn aıtty.
Sondaı-aq oblysta 9 sáýirden bastap Nur Otan partııasynyń jelisi boıynsha «Biz birgemiz!» qorynan 50 myń teńge mólsherinde járdemaqy tóleý jumystary júrgizilýde. Bul kómekti shamamen halyqtyń áleýmettik osal toptaryn quraıtyn 8,5 myńdaı adam alady dep josparlanýda.
Jambyl oblysy