Ulttyq Bank Atyraý fılıalynyń ekonomıkalyq taldaý jáne statıstıka bóliminiń basshysy Aınagúl Aqqulovanyń málim etýinshe, turǵyndar tólem kartochkalarymen eseptesýge bet bura bastady. Máselen, bıylǵy 1 naýryzǵa deıin aınalymdaǵy tólem kartochkalarynyń sany 1 560,7 myń birlikti quraǵan.
– Al, kartochka ustaýshylardyń sany – 1396,7 myń adam. Oblysta 717 tólem termınaldary, 582 bankomat, 5198 POS-termınal jumys isteıdi. О́tken jylǵy sáıkes merzimmen salystyrǵanda, bıylǵy eki aıda oblysta tólem kartochkalaryn paıdalaný arqyly qolma-qol aqshasyz tólemder 7,7 esege, al, onyń somasy 6,4 esege ósip otyr. Máselen, bıyl qańtar-aqpanda 161,0 mıllıard teńge somasyna 11 972,7 myń tranzaksııa jasalǵan, - deıdi Aınagúl Aqqulova.
Joldasbek Kósherbaıuly