Gollandııadaǵy qyzǵaldaqtar alańy – osy eldiń ulttyq sımvoly. Gúl satýdan bul memleket mıılıardtaǵan tabys tabady. Alaıda, álemdi dúrbeleńge salǵan koronavırýs indeti qyzǵaldaqtar bıznesin de qurdymǵa jiberetin túri bar. Qazirdiń ózinde mıllıondaǵan qyzǵaldaq vırýstyń kesirin julynyp tastalǵan.
Buryn kóz jaýyn alardaı qulpyrǵan qyzǵaldaqtar álemin tamashalaý úshin dúnıejúziniń túpkir-túpkirinen mıllıondaǵan týrıster aǵylatyn. Al bıyl gúlder patshalyǵy kórermensiz qaldy. Qyzǵaldaqqa degen suranys ta kúrt tómendegen. Osyǵan baılanysty 140 mıllıon qyzǵaldaqty joıýǵa týra kelgen.
Halyqaralyq satý isimen aınalysatyn menedjer Fred van Toll jergilikti basylymǵa bergen suhbatynda: «Vırýs bizge gúlderdiń saýdasy qyzyp jatatyn kezde keldi. Kúndelikti tabysymyz birden 50 paıyzǵa qysqardy. О́tpeı turǵan gúlderdi tastaýǵa týra keldi, amal joq» deıdi.
Gollandııada qyzǵaldaqtar maýsymy ádette naýryz aıynda bastalyp, eki aıǵa sozylady. Gúlden túsetin paıda shamamen 30 mıllıon dollardy quraıdy. Árıne, jergilikti jerde fermerler shaǵyn bazarlarda, dúkenderde gúlin satyp, eptep kún kórip jatyr, al biraq gúldiń halyqaralyq saýdasy múlde júrmeı turǵan kórinedi.
Qymbat TOQTAMURAT