Prezıdent Qasym-Jomart Toqaev áleýmettik jelide uıymdastyrylǵan «Qandaı kitap oqyp jatyrsyz?» chellendj-estafetasyna qoldaý bildirdi. Bul týraly Memleket basshysy Instagram paraqshasynda jarııalady.
«Qazirgideı eleń-alań ýaqytta barshańyzdyń kúndelikti tirshilikterińiz ózgeriske ushyraǵany belgili. Pandemııadan qorǵanýdyń birden-bir joly – áleýmettik oqshaýlaný, ıaǵnı úıde bolý ekenin jahan jurtshylyǵy moıyndap otyr. Árıne, bul – ýaqytsha qubylys, ótpeli kezeń. Degenmen, osy ýaqytty barynsha tıimdi paıdalaný – árbir adamnyń óz qolynda. Sondyqtan, osy karantın kúnderi aqyn-jazýshylar, jýrnalıster, mádenıet qaıratkerleri jáne qatardaǵy azamattarymyz áleýmettik jelide «Qandaı kitap oqyp jatyrsyz?» chellendj-estafetasyn uıymdastyrǵan eken. Bul bastamany tolyq qoldaımyn jáne osyndaı ıgi isti qolǵa alǵan otandastaryma shynaıy rızashylyǵymdy bildiremin», - dep jazdy Prezıdent. Q.Toqaev karantındegi altyn ýaqytty paıdaly isterge jumsaǵan jón ekenin atap ótti.
«Shyn máninde, kitap oqý – rýhanı kemeldenýdiń kózi desem artyq emes. Qazirgi ýaqyt – sekýnd saıyn jańarǵan aqparat zamany. Jalǵan derektiń, shyndyqqa janaspaıtyn qaýesetterdiń de tez tarap jatqanyn kórip otyrmyz. Sondyqtan, mundaı jaǵdaıǵa meılinshe jol bermeý úshin altyn ýaqytymyzdy osyndaı paıdaly isterge jumsaǵanymyz jón. Belgili aqyn, Qazaqstan Jazýshylar odaǵy basqarmasynyń tóraǵasy Ulyqbek Esdáýlettiń meniń atyma joldaǵan estafetasyn qabyldaımyn jáne osy kúnderi oqyp jatqan kitaptar men gazet-jýrnaldardyń tizimin usynamyn: ⠀
1. Júsip Balasaǵun. Qutty bılik. 2. Abaı Qunanbaev. Hıkmet kitábi. Knıga mýdrostı. Book of wisdom. 3. Winston Churchill. The Second World War. Volume III. The Grand Alliance. 4. Tursyn Jurtbaı. Qunanbaı. 5. Erlan Sydykov. Kýnanbaı. 6. Adam Týz. Krah. Kak desıatıletıe fınansovyh krızısov ızmenılo mır. 7. Alek Ross. Indýstrıı býdýshego. The Industries of the future. 8. Kevın Kellı. Neızbejno. 12 tehnologıcheskıh trendov, kotorye opredelıaıýt nashe býdýshee. 9. Parag Khanna. The Future is Asian. 10. «Qazaq ádebıeti», «Ana tili», «Turkistan» jáne t.b. gazetter, «Juldyz» jýrnaly. ⠀ Osy múmkindikti paıdalanyp, bul estafetany barsha otandastaryma, ásirese, jastarǵa joldaımyn jáne osy ádebıetterdi oqýǵa keńes beremin», - dedi Prezıdent.