21 sáýirdegi derekterge sáıkes Nur-Sultan qalasynda 3-4 sáýirden bastap stasıonarlyq emdelýde bolǵan on jeti pasıent koronavırýstan saýyqqan. Barlyq emdelýshiler KVI dıagnostıkasy men emdeýdiń klınıkalyq hattamasyna sáıkes tolyq em aldy. Emdelip shyqqan azamattar eki apta úı karantıninde bolady. Bul týraly Nur-Sultan qalasy ákimdiginiń baspasóz qyzmeti habarlady.
Qazaqstan boıynsha koronavırýs indetinen saýyǵyp shyqqandardyń sany - 476 bolsa, Nur-Sultan qalasy boıynsha 205 adam.
21 sáýirde jazylyp shyqqandardyń qatarynda eki bala bar. Olar 2015 jylǵy er bala men 2018 jylǵy qyz bala. Infeksııadan saýyqqan júkti áıel 17 sáýirde bosanyp, dúnıege qyz ákeldi. Sábıdiń saraptama nátıjesi - teris. Nur-Sultan qalasynda koronavırýsty juqtyrýdyń 390 jaǵdaıy tirkeldi.