Nur Otan partııasynyń Almaty oblystyq fılıaly tóraǵasynyń birinshi orynbasary Janbolat Jórgenbaev óńir turǵyndarymen tikeleı efırde tildesti. Onlaıyn baılanys Feısbýk pen Instagram áleýmettik jelisindegi resmı akkaýnttary arqyly ótti.
Efır barysynda oblystyq partııa fılıal tarapynan «Biz birgemiz» aksııasy aıasynda atqarylǵan jumystar týraly baıandalyp, partııa men memleket tarapynan kórsetiletin áleýmettik qoldaý máseleleri jaıynda aıtyldy. Tikeleı efırdi 1300 adam kórip, myńǵa jýyq turǵyn ózderin tolǵantqan saýaldaryn joldap, pikirlerin ortaǵa saldy.
Nur Otan partııasynyń Almaty oblystyq fılıaly 19 naýryz – 27 sáýir aralyǵynda «Baqytty otbasy», «Ardagerlerdi ardaqtaıyq» jáne «Kedergisiz keleshek» jobalary aıasynda qaıyrymdylyq sharasyn turaqty ótkizip keledi. Oǵan partııanyń aımaqtyq jáne aýmaqtyq fılıaldary, «Jas Otan» jastar qanatynyń eriktileri, ár deńgeıdegi máslıhat depýtattary atsalysýda. Osy kezeńde 11 532 adamǵa jalpy quny 124 105 825 teńge bolatyn azyq-túlik paketteri jáne jeke gıgıena zattary, antıseptıkalyq quraldar, medısınalyq maskalar satyp alynyp, tegin tartylǵan.Al «Birgemiz» respýblıkalyq qorynan Taldyqorǵan qalasyndaǵy 3 361 muqtaj azamatqa kómek kórsetý úshin oblystyq «Birgemiz Jetisý» qoryna 168 050 000 teńge qarajat tústi. Kórsetilgen 7 sanat boıynsha Taldyqorǵan qalasynyń turǵyndary qarjylaı kómekti tolyǵymen aldy. Sonymen qatar, ekinshi tolqyn boıynsha 7 sanatqa kiretin taǵy 6 551 muqtaj adamdardyń tizimi ázirlengen eken.
- Bul jumystardyń barlyǵy Nur Otan partııasynyń prosesterin uıymdastyrý, úılestirý jáne baqylaý arqasynda júzege asyrylýda. Sonymen qatar kómek alýshylardyń tizimderin qalyptastyrýmen aınalysatyn jergilikti atqarýshy organdardyń jumysy jolǵa qoıyldy. Qabyldanǵan sharalardyń tıimdiligin eskere otyryp, jaqynda Elbasy nusqaýlykpen materıaldyq jáne qarjylyq kómektiń ekinshi tolqyny iske qosylatyn bolady, osy jumyspen elimizdiń 23 qalasynan 210 myń otbasyn qamtýy josparlanǵan. Partııa osy qıyn sátte qarapaıym azamattarmen birge bolýdy qajet dep sanaıdy, osyǵan baılanysty partııanyń qoǵamdyq qabyldaýlary onlaın rejımge kóshti, - deıdi Nur Otan partııasynyń Almaty oblystyq fılıaly tóraǵasynyń birinshi orynbasary Janbolat Jórgenbaev
Jalpy, tótenshe jaǵdaı jarııalanǵaly beri oblystaǵy partııa fılıaldaryna azyq-túlik máselesi boıynsha 4743 ótinish túsken. Onyń ishinde 3609 ótinish oń sheshimin tapqan. Al azamatardyń talap-tidegnin qabyldaýǵa arnalǵan arnaıy koll-ortalyq nómirine 1850 azamat habarlasyp, kómek suraǵan eken.