Kóliktegi Bas memlekettik sanıtarlyq dáriger Sádýaqas Baıǵabylov Nur-Sultan men Almaty qalalary arasyndaǵy ishki avıareısterdi qalpyna keltirý kezindegi negizgi sanıtarlyq-epıdemıologııalyq talaptardy túsindirdi.
Birqatar elderdiń ishki avıareısterdi jańartý boıynsha usynylǵan sharalary taldandy. Ár túrli memleketter óz talaptaryn engizedi, biraq tutastaı alǵanda olar birdeı-belgili bir shamada táýekelderdi azaıtýǵa arnalǵan. Mysaly, Kanadada anyqtama men maskanyń bolýy talap etilse, Ulybrıtanııa men Nıderlandyda reıstiń aldynda saýaldama toltyrý mindettelgen.
Al jolaýshylardy otyrǵyzý boıynsha Nıderlandy jolaýshylar arasynda 1,5 metr, Italııada bir metr«áleýmettik qashyqtyqty» ustanady. AQSh aralas oryndarǵa arnalǵan oryndardy tańdaýdy shektese, Germanııa kórshiles oryndarǵa adam otyrǵyzbaıdy.
Jekelegen elderde ishki reısterden bastap ushýlardy kezeń-kezeńmen jańartý josparlanyp otyr. Kóliktegi Bas memlekettik sanıtarlyq dárigerdiń ishki áýereısterde sanıtarlyq karantındik baqylaýdy kúsheıtý týraly tıisti qaýlysy qabyldandy.
Nur-Sultan jáne Almaty qalasynyń eki qalasy arasynda mynadaı negizgi talaptar anyqtaldy.
Bul jolaýshylar úshin SOVID-19 anyqtamasynyń bolýy. Anyqtamanyń qoldanylý merzimi ınkýbasııalyq kezeńniń ortasha mánin eskere otyryp, berilgen kúnnen bastap 7 kúntizbelik kúndi quraıdy.
Jolaýshylardy áýejaı ǵımaratyna, ushý aımaǵyna jáne áýe kemesiniń bortyna qatań túrde maskada jiberý. Sondaı-aq áýe kemesinen tirkeýden ótý, otyrǵyzý jáne túsirý kezinde jolaýshylar arasyndaǵy qaýipsiz qashyqtyqty (1 metr) saqtaýdy qamtamasyz etý qajet.
Bul rette jolaýshylardy ushaq bortynda otyrǵyzý qaýipsiz qashyqtyqty saqtaý úshin qatar bir kreslosodan keıin júzege asyrylady.
Bizdiń mamandar qosymsha ushaqtyń bortyna qoný kezinde ushý aımaǵyndaǵy barlyq jolaýshylar men ekıpaj músheleriniń baılanyssyz termometrııasy uıymdastyrylady.
Sonymen qatar ushaq bortynda da, áýejaı termınalynda da dezınfeksııalyq rejimdi saqtaý boıynsha qatań talaptar aıqyndaldy.
Monıtorıng nátıjeleri boıynsha jolaýshylarda SOVID-19 aýrýy tirkelmegen jaǵdaıda talaptar jeńildetý jaǵyna qaıta qaralatynyn atap ótken jón.
Sondaı-aq sanıtarlyq-epıdemıologııalyq jaǵdaıdy eskere otyryp, Qazaqstannyń basqa da qalalarymen, onyń ishinde halyqaralyq avıareısterdi qaıta jańartý múmkindigin kezeń-kezeńimen pysyqtaımyz.