Bıyl Almaty oblysyndaǵy jalpy egis alqaby byltyrǵyǵa qaraǵanda 4,9 myń gektarǵa ulǵaıyp, 966,5 myń gektarǵa jetpekshi. Al qazirge deıin atqarylǵan kóktemgi dala jumysynyń aýqymy 69,1 paıyzǵa jetti.
Oblysta egistiktiń esh kedergisiz júrýine barynsha jaǵdaı jasalýda. Ásirese, janar-jaǵarmaı jetkizý jolǵa qoıylǵan. Dıqandarǵa qajetti 5 300 tonna dızel otyny sharýashylyqtarǵa tasymaldanyp, 4 200 tonnasy iske jaratylypty. Sharýalar janarmaıdyń ár lıtrin 165 teńgeden satyp alýda.
- Aımaqta «Qoldaý» júıesi arqyly berilgen elektrondy ótinish negizinde 1086 sharýa sýbsıdııa aldy. Bul agroónerkásip kesheni boıynsha taýar óndirýshilerdi qoldaýǵa beriletin memlekettiń kómegi. Qazirge deıin oblystyń sharýa qojalyqtary 1 024,9 mln teńge sýbsıdııaǵa qol jetkizdi. Sol sııaqty egis naýqanyn merziminde ári sapaly atqarý úshin «Agrarlyq nesıe» korporasııasynyń «Keń Dala» baǵdarlamasy arqyly jyl basynan beri 78 zaım alýshyǵa 888,4 mln teńge soma nesıe berilgen. Munan bólek, oblystaǵy 11 aýyl sharýashylyǵy taýaryn óndirýshi nysan «Qarapaıym zattar ekonomıkasy» baǵdarlamasy sheńberinde jalpy somasy 290 mln teńge nesıe alýǵa ótinish berdi, - deıdi oblys ákiminiń orynbasary Serikjan Beskempirov.
Almaty oblysy