Sońǵy táýlikte Jambyl oblysynda koronavırýstyq ınfeksııanyń taǵy da jańa tórt jaǵdaıy tirkelip, búginde qaýipti indetti juqtyrǵandar sany 158-ge jetti.
Birinshi oqıǵa Taraz qalasynda anyqtalǵan. 1996 jyly týǵan naýqas buǵan deıin aýyrǵandarmen baılanysta bolǵan. PTR-tekserýdiń nátıjeleri koronavırýstyq ınfeksııanyń bar ekendigin anyqtady. Sondaı-aq, indet Atyraý oblysynyń Teńiz kentinde vahtalyq ádispen jumys istegen 1964, 1966 jáne 1980 jyly týǵan úsh er adamnan da tabyldy. Belgilengen algorıtmge sáıkes, óńirge kelgennen keıin olar karantındik stasıonarǵa oqshaýlanǵan. Zerthanalyq taldaý qorytyndylary boıynsha olarǵa COVID-2019 dıagnozy qoıyldy. Naýqastar ınfeksııalyq stasıonarǵa aýystyrylǵan. Olarmen jaqyn baılanysta bolǵan adamdar karantınge oqshaýlanyp, olardy tekserý jumystary júrgizilýde.
Jalpy, aǵymdaǵy jylǵy 5 mamyr kúngi jaǵdaı boıynsha Jambyl oblysynyń aýmaǵynda koronavırýstyq ınfeksııanyń 158 jaǵdaıy tirkelgen. Onyń ishinde Taraz qalasynda 74, Baızaq aýdanynda 11, Jambyl aýdanynda 5, Qordaı aýdanynda 37, Merki aýdanynda 3, Shý aýdanynda 2 jáne Moıynqum aýdanynda 1 adamnan anyqtalǵan. Sondaı-aq, «Delı – Taraz» reısimen kelgen jolaýshylardan 6 oqıǵa, Teńiz vahtalyq kentinen kelgen jumysshylar arasynda 19 oqıǵa anyqtalǵan. Barlyq dert juqtyrǵandardyń 51-i saýyǵyp, úı karantınine shyǵarylǵan. Olar dárigerlerdiń baqylaýynda bolady.
Jambyl oblysy