Qaraǵandy oblysynda ótken táýlik ishinde 49 adamnyń COVID-19 juqtyrǵany PTR-zertteý negizinde anyqtaldy, dep habarlady oblys ákiminiń baspasóz qyzmeti.
Dertke shaldyqqandar buryn juqtyrǵandarmen jaqyn qarym-qatynasta bolǵan adamdardy tekserý kezinde jáne skrınıng barysynda anyqtaldy.
Pasıentterdiń basym kópshiligi, ıaǵnı 32 adam Qaraǵandynyń turǵyndary. Aýyrǵandardyń arasynda Temirtaý qalasynda turatyn alty adam, Saran qalasynyń bes turǵyny bar. Sondaı-aq Jezqazǵan qalasynyń bir jáne Shet aýdanynyń bes turǵyny da indet juqtyrǵan.
Naýqastardyń barlyǵy ınfeksııalyq stasıonarǵa jatqyzyldy.
Qazirgi ýaqytta aýyrǵandardyń densaýlyq jaǵdaıy qanaǵattanarlyq, emdeý júrgizilýde. Juqtyrý oshaqtarynda dezınfeksııalyq is-sharalar júrgizildi.
Búginge deıin jetken málimetke saı, Qaraǵandy oblysynda KVI juqtyrýdyń 754 oqıǵasy tirkelgen. Úsh naýqas «jaman tumaýdan» qaıtys boldy jáne 204 adam saýyǵyp shyqty.