2020 jyldyń 28 mamyrynda Qazaqstan Respýblıkasy Prezıdenti Q.K. Toqaevtyń tapsyrmasyna sáıkes Sıfrlyq damý, ınnovasııalar jáne aeroǵarysh ónerkásibi mınıstri Jumaǵalıev Asqar Qýanyshuly Qyzylorda oblysyn sıfrlardyrý barysy men «aqyldy qalalar» etalondyq standartyn júzege asyrý boıynsha aımaqta atqarylyp jatqan jumystardy jáne ortalyq atqarýshy organdar tarapynan sheshýdi qajet etetin máselelerdi talqylaý maqsatynda beınekonferens baılanysy arqyly jınalys ótkizdi.
Jınalysqa Qyzylorda oblysynyń ákimi G.N. Ábdiqalyqova, Qazaqstan Respýblıkasy Densaýlyq saqtaý, Eńbek jáne halyqty áleýmettik qorǵaý, Indýstrııa jáne ınfraqurylymdyq damý vıse-mınıstrleri, Ishki ister, Aýyl sharýashylyǵy mınıstrlikteriniń ókilderi jáne «Zerde» Holdıngi», Azamattarǵa arnalǵan úkimet, oblystyq ákimdiktiń qurylymdyq basshylary qatysty.
Jıyn barysynda aımaqtaǵy sıfrlandyrýdyń barysy týraly oblys ákimi G. Ábdiqalyqova sóz alyp, «Sıfrlyq Qazaqstan» baǵdarlamasy aıasynda atqarylyp jatqan jobarlarǵa toqtalyp, onyń ishinde respýblıka boıynsha alǵash bolyp Qyzylordada júzege asyrylǵan 112-Biryńǵaı kezekshilik-dıspetcherlik qyzmetin atap ótti.
Onymen qosa, densaýlyq salasynda keshendi medısınalyq júıemen qatar jergilikti medısınalyq uıymdarda PACS júıesin engizý jumystary qolǵa alynǵandyǵyn, adamnyń densaýlyǵynyń negizgi kórsetkishterin baqylaýǵa arnalǵan qurylǵylardy engizý josparlanǵanyn atap ótti.
Odan ári aımaqty sıfrlandyrýdyń 11 baǵyty boıynsha atqarylǵan jumystar men aldaǵy josparlardy oblys ákiminiń orynbasary N.Sh. Tileshev baıandady. Atap aıtqanda, qalalyq kommýnaldyq qyzmetterdiń sapasyn arttyrý maqsatynda engizilgen 109-Biryńǵaı baılanys ortalyǵynyń qyzmeti, qaýipsizdik salasynda zııatkerlik jyldamdyq ólsheýishterin ornatý jumystary, elektrondy bıletteý júıesin engizý barysy aıtyldy. Jergilikti atqarýshy organdarmen kórsetiletin qyzmetterdiń 105-i (61,7%) elektrondy formatta, qaladaǵy 300 kóp qabatty úı (38%) E-KSK qosymshasyna engizilgen. Sonymen qatar, aǵymdaǵy jyldyń shilde aıynan bastap kólik salasynda elektrondy bıletteý, dıspetcherleý júıeleri jáne aıaldamalarda aqparattyq tablo iske qosylatyn bolady.
О́z kezeginde «Zerde» Ulttyq ınfokomýnıkasııalyq holdıngi» AQ basshysy A.Anısımov «Aqyldy qala» etalonynyń standarttaryna sáıkes bilim, qaýipsizdik, kólik, qalany basqarý jáne t.b. baǵyttaryn júzege asyrýǵa Holdıngtiń ázirlegen usynystaryna toqtaldy.
Atap aıtsaq «Aqyldy qala» etalon standartynyń bilim baǵyty boıynsha aımaqta bilim berýdiń barlyq kezeńderinde (mektepke deıingi, orta, joǵary) júıelerdi odan ári damytý josparlaryn ázirleý, densaýlyq saqtaý baǵyty boıynsha qalalyq deńgeıden tómen elektrondyq densaýlyq pasporttaryn toltyrýdy qamtamasyz etý, Qaýipsizdik baǵytynda jedel áreketetý ortalyqtaryn modernızasııalaý, qoǵamdyq jáne jol qaýipsizdigin qamtýdy keńeıtýdi qamtamasyz etiý jáne turǵyn úı, áleýmettik sala usynystar.
Jıyn sońynda, A.Jumaǵalıev aımaqtyń sıfrlandyrý boıynsha júrgizilgen jumystaryna oń baǵa berip, aımaqta elektrondyq memlekettik qyzmetti alý boıynsha halyq arasynda nasıhat jumysyn júrgizýdi, basqada sıfrlandyrý salalarynda otandyq sıfrlyq sheshimderdi paıdalaný jáne basqada birqatar tapsyrmalar berdi.