Qazaqstan musylmandary dinı basqarmasynyń tóraǵasy Naýryzbaı qajy Taǵanuly bastaǵan múftııat qyzmetkerleri Mańǵystaý oblysyna jasaǵan resmı sapary aıasynda Shopan ata, Beket ata zırattarynda bolyp, zııarat jasap, Quran baǵyshtady, dep habarlady QMDB baspasóz qyzmeti.
Zııarat jasaý barysynda jergilikti ımamdarmen suhbattasqan Naýryzbaı qajy Taǵanuly: "Bir ǵulama "Halyqty oıatqyń kelse, onyń tarıhyn oıat" degen eken. Biz jastardy qulshylyqqa qulshyndyryp qana qoımaı, olardy tarıhymyzben de tárbıeleýimiz kerek. Bizdiń tarıhymyz tálim men taǵylymǵa toly. Talaı tulǵalarymyzdyń ómiri ónege bolyp qaldy. Endeshe, ony kóbirek nasıhattaýymyz kerek", - dep atap ótti.
Bas múftı zııarat jasaý rásiminde arnaıy qurban shalyp, el men jerimizdiń amandyǵy úshin duǵa jasady.