Túrkistan oblysynda Evro - 5 standartyna saı otandyq ónim, AI-92 markaly benzın, dızel janarmaıy men benzol, tolýol, ksılol jáne úlgili mazýt ónimderi shyǵaratyn biregeı joba júzege asyrylýda. Ereksheligi sol – tas kómirden munaı ónimderi shyǵarylmaq. Ordabasy aýdany, Badam aýyl okrýgindegi «Standart Resýrsıs» JShS kómir - hımııalyq kombınaty jylyna 30 myń tonnaǵa deıin shıkizat óndirýge qaýqarly.
Oblys ákimi О́mirzaq Shókeev arnaıy tanysyp qaıtqan, 1,5 mlrd teńge ınvestısııa quıylǵan, joba aıasynda 100-ge jýyq jańa jumys orny ashylmaq. Memleket tarapynan «Bıznestiń jol kartasy-2020» baǵdarlamasy aıasynda ınfraqurylym jelisi júrgizilip, 3 shaqyrym jerde temirjol tartylǵan.
Qazirgi tańda zaýytta qurylys jumystary aıaqtalyp, iske qosylýǵa daıyndyq ústinde. О́nim tek el kólemindegi naryqqa ǵana emes, TMD elderine eksporttalmaq. Negizgi merdigeri-munaı hımııasy salasyndaǵy naryq kóshbasshylarynyń biri bolyp tabylatyn reseılik «ETN Sıklon» kompanııasy.
Túrkistan oblysy