Qyzylorda oblysy Syrdarııa aýdany Qoǵalykól aýylynyń mańynda ornalasqan Qyshqala qalashyǵy ornynan kóne kesene tabyldy, - dep habarlaıdy Egemen.kz.
Altyn orda memleketiniń 750 jyldyǵy aıasynda júzege asyrylyp jatqan qazba jumystary oblystyq bıýdjet esebinen júrgizilýde. Belgili arheolog Madııar Eleýov jetekshilik jasaıtyn mamandar qazir keseneniń ornyn tolyq arshýǵa kiristi. Boljam boıynsha, kesene kólemi úlken jáne tolyǵymen qyshtan turǵyzylǵan.
Ekspedısııaǵa arheologtar, jas ǵalymdar jáne jergilikti aýyl turǵyndary tartylǵan. Qyshqalany zertteý 2018 jyldan beri turaqty túrde júrgizilip keledi.