Qazaqstannyń Qorǵanys mınıstri Nurlan Ermekbaev ózin-ózi oqshaýlaý rejımine aýysty. Bul týraly mınıstrliktiń baspasóz qyzmetine silteme jasaı otyryp Egemen.kz habarlaıdy.
Mınıstrliktiń málimetinshe, Máskeýde Jeńistiń 75 jyldyǵyna arnalǵan is-sharalarǵa qatysýǵa baılanysty qorǵanys vedomstvosynyń basshysy generel-leıtenant Nurlan Ermekbaev 2020 jyldyń 11 maýsymynan bastap ózin-ózi oqshaýlaý rejımine kóshti.
"Merekelik is-sharalarǵa Qazaqstan Qorǵanys mınıstri óziniń reseılik áriptesi armııa generaly Sergeı Shoıgýdyń shaqyrýymen barady. О́zin-ózi oqshaýlaý boıynsha sharalar shet elderge barý tártibin, dárigerlerdiń usynystaryn, sondaı-aq sanıtarlyq-epıdemıologııalyq jaǵdaıdyń jaı-kúıin eskere otyryp qabyldandy. Qorǵanys mınıstri jumys ornynda. Bul rette onyń qaramaǵyndaǵylarmen tikeleı baılanysy joq. Qorǵanys mınıstrligi men qarýly kúshter qyzmetine basshylyq etý telefon jáne beınekonferensbaılanysy arqyly júzege asyrylady", - delingen habarlamada.