2021 jyldyń 28 aqpanynda ótetin "Oskar-2021" premııasyn tapsyrý rásimi 25 sáýirge aýystyryldy. Bul týraly BBC News agenttigine silteme jasaı otyryp Egemen.kz habarlaıdy.
Rásim ádettegideı ótkizile me, álde onlaın nusqada óte me ázirge belgisiz.
"Oskar-2021" kınopremııasyna qatysýǵa ótinimder berý merzimi uzartylady. Úmitker bolý múmkindigin 2020 jylǵy 1 qańtardan bastap 2021 jylǵy 28 aqpanǵa deıin prokatqa shyǵatyn fılmder alady.
Aıta keteıik, "Oskar" premııasyn tapsyrý úsh ret keıinge qaldyryldy. 1938 jyly rásim Los-Andjelestegi sý tasqynynan, 1968 jyly Martın Lıýter Kıngtiń ólimine baılanysty, al 1981 jyly Prezıdent Ronald Reıgannyń ómirine qastandyq jasaǵannan keıin aýystyryldy.
"Oskar" kınopremııasy bıyl 93-shi ret uıymdastyrylyp otyr.