Arnaıy talaptar bolmaǵandyqtan, tek qoldanǵan kezeń úshin salyq tólep, qazaqstandyq nómirlerdi jáne tirkeý kýáligin tapsyryp, Armenııada berilgen tehqujat pen nómirlerdi keri qaıtaryp alý kerektigi týraly IIM ÁPK tóraǵasynyń orynbasary S.Amantaıuly baıandap berdi, dep habarlaıdy Egemen.kz
Kópshilik salyq salýǵa qatysty jáne jóndelgen kólik quraldarynyń qaýipsizdigin baǵalaý boıynsha biraz suraqtar qoıýda. Suraqtarǵa bylaısha jaýap berdi: "Meniń Qarjy, saýda jáne ıntegrasııa mınıstrlikterindegi áriptesterim buǵan jaýap beredi dep oılaımyn. О́z kezegimde, keıbir azamattar ýaqytty kútip, tamyz aıynda tirkelgisi keletinin atap ótkim keledi. Sebebi, birinshiden, eger siz senimhat nemese "saqtandyrý" arqyly basqaratyn bolsańyz, qujattardy jınaýǵa nemese kólik ıesiniń múddelerin bildiretin senimhat alýǵa jetkilikti ýaqyt bolmaýy múmkin.
Ekinshiden, sońǵy aıda jappaı júginý halyqqa qyzmet kórsetý ortalyqtarynyń jumysyna qajetsiz júktemeni týdyrýy múmkin, sonymen qatar epıdemııalyq jaǵdaıda qajetsiz táýekelderdi týdyrýy múmkin. Jáne karantındik shekteýler alynyp tastalǵannan keıin, kezek bolmaǵan kezde jáne halyqqa qyzmet kórsetý ortalyqtarynyń jumysynyń turaqtylyǵyn eskere otyryp, kólikterdi qaıta tirkeýge bolady", deıdi S.Amantaıuly.
S.Amantaıulynyń aıtýynsha, osy múmkindikti paıdalanyp, Ishki ister mınıstrligi azamattardy avtokólik satyp alý kezinde mámilelerdi zańdy túrde bekitýge shaqyrady. Sebebi saqtandyrý polısimen nemese avtokólik júrgizýge beriletin senimhatpen kólik júrgizý sizdi osy kólikterdiń zańdy ıesi etpeıdi. Sondyqtan avtokólikterge menshik quqyǵyńyzdy saqtaý úshin kelisim shartty zańdy rastaý jáne kólikti óz atyńyzǵa ishki ister organdarynda tirkeý qajet.
"Biz azamattardy qyraǵy bolýǵa jáne áleýmettik jelilerde óz kólikterin, onyń ishinde Eýrazııalyq ekonomıkalyq odaq elderinen ákelingen avtokólikterdi aqyǵa zańdastyrýǵa ýáde bergen alaıaqtardyń qýlyqtaryna kónbeýge shaqyramyz. Mundaı mashınalardy zańdastyrýdyń nemese olardy ishki ister organdaryn aınalyp ótip tirkeýdiń eshqandaı túrleri joq jáne siz kútilgen nátıjeni ala almaı, qarajatyńyzdan aıyrylasyz, deıdi IIM qyzmetkeri.