Búgin koronavırýs indetine qarsy óńirlik jedel shtab otyrysynda oblys ákimi Arhımed Muhambetov sońǵy kúnderi aımaqtaǵy epıdemıologııalyq ahýaldyń asqynyp bara jatqanyn atap ótti, - dep habarlaıdy Egemen.kz.
Jıynǵa qatysýshylar karantın talaptaryn saqtaý sharalary boıynsha júrgizilgen monıtorıng nátıjeleriniń kóńil kónshitpeıtinin jáne oblys aýmaǵynda indettiń taralý deńgeıiniń qarqyn ala bastaǵanyn sóz etti. Osyǵan baılanysty oblystyq shtab 18-30 maýsym aralyǵynda mynadaı shekteý sharalaryn engizý týraly sheshim qabyldap otyr:
19 maýsym saǵat 00.00-den bastap "Qostanaı – Áýlıekól – Surǵan", "Qostanaı – Rýdnyı", "Arqalyq – Amantoǵaı" avtojoldarynda 3 sanıtarlyq beket ornatylady. Attraksıondar men sýburqaqtardyń, úrlemeli konstrýksııalardyń (batýttar) jumysyna tyıym salynady; Karaoke bar, bılıard, boýlıng ortalyqtarynyń, tatý salondary men massaj salondarynyń jumysy toqtatylady; HQK ortalyqtary onlaın rejimge kóshedi. Onlaın rejimde júzege asyrý múmkin emes qyzmetter aldyn ala jazylý arqyly saǵat 10-00-den 18-00-ge deıin kórsetiledi; Shashtarazdar aldyn ala jazylý boıynsha 10-00-den 18-00-ge deıin jumys isteıdi; Bilim berý ortalyqtary, úıirmeler, balalardy damytý ortalyqtary 9-00-den 16-00-ge deıin jumys isteıdi (balalar sany 15-ten aspaýy tıis); О́nerkásip taýarlaryn ótkizetin nysandardyń jumysy 20-00-ge deıin toqtatylady; Azyq-túlik jáne azyq-túliktik emes bazarlardyń jumysy 10-00-de bastalyp, 16-00-ge deıin toqtatylýy tıis; Memlekettik qyzmetshilerdiń 80%-y qashyqtan jumys isteýge kóshedi. Jınalystar, keńester, semınarlar, konferensııalar selektorlyq onlaınǵa kóshedi.О́ńirlik jedel shtab áleýmettik qorǵalmaǵan sanattaǵy balalar demalatyn "Bolashaq" balalar lageriniń jumysyna ruqsat etý týraly sheshim qabyldady. Alaıda, mundaǵy sanıtarlyq shara qatań saqtalýy kerek.
Sonymen qatar kelesi nysandardyń jumysyna buǵan deıin de salynyp kelgen tyıym saqtalady:
- Adamdar kóp jınalatyn oıyn-saýyq, sporttyq jáne basqa da buqaralyq is-sharalardy ótkizý oryndary;
- Otbasylyq, ádet-ǵuryptyq jáne basqa da is-sharalar, keıterıngtik qyzmetter jáne merekelerdi uıymdastyrý boıynsha qyzmet kórsetý oryndary;
- Kınoteatrlar, teatrlar, barlyq oıyn alańdary (aýlalardan basqa);
- Túngi klýbtar, kompıýterlik jáne oıyn klýbtary, kalıan, býkmekerlik keńseler;
- Saýda-oıyn-saýyq ortalyqtarynda ornalasqan fýd-korttar, kınoteatrlar, oıyn-saýyq nysandary;
- qala syrtyndaǵy 4 balalar lagerin qospaǵanda, balalardy saýyqtyrý lagerleri men mektep janyndaǵy lagerler;
Sondaı-aq sporttyq jarystaryn ótkizýge tyıym salynady. Epıdemıologııalyq jaǵdaıdy turaqtandyrý maqsatynda 20-21 maýsym aralyǵynda Qostanaı jáne Rýdnyı qalalarynda mynadaı qosymsha ýaqytsha shekteýler engiziledi:
- qoǵamdyq oryndardyń, saıabaqtardyń, skverlerdiń, jaǵalaýlardyń, jaǵajaılardyń, akvaparkterdiń jumysy toqtatylady;
- 65 jastan asqan adamdardyń kóshege shyǵýyna tyıym salynady.
Jıyn barysynda aımaq basshysy oblys turǵyndaryn jeke qaýipsizdik sharalaryn saqtaýǵa zor jaýapkershilikpen qaraýǵa shaqyrdy.
"Taldaý kórsetkendeı ınfeksııanyń taralýyna eńbek, áleýmettik, otbasylyq baılanystardyń artýy sebep bolyp otyr. Turǵyndar maska kımeıdi, qashyqtyqty saqtamaıdy, turmysta jáne jumysta qol gıgıenasyna salǵyrt qaraıdy. Sonymen qatar, óz qyzmetin qaıta bastaǵan nysandarda sanıtarlyq-dezınfeksııalyq rejım durys oryndalmaıdy", - dedi Arhımed Muhambetov.
Jalpy Qostanaı oblysynda búginge deıin 247 COVID-19 ınfeksııasy tirkelgen.
Oblys ákimi osynaý syndarly kezeńde kásipkerlerge úlken jaýapkershilik júkteletinin aıta kelip, olardyń óz jumysshylaryn qolǵappen, maskalarmen jáne basqa da qorǵanys quraldarymen qamtamasyz etý qajettigin eskertti.
"Epıdemıologııalyq jaǵdaı nasharlaǵan jaǵdaıda, buryn engizilgen karantınniń bosańsýy joıylady jáne oblys kúsheıtilgen karantın jaǵdaıyna oralady", - dedi Arhımed Muhambetov.
Qostanaı oblysy