Elbasy Aýǵanstan Islam Respýblıkasynyń Prezıdenti Ashraf Ǵanımen telefon arqyly sóılesti. Bul týraly Elbasynyń baspasóz qyzmeti habarlady.
Áńgimelesý barysynda Aýǵanstan Prezıdenti Nursultan Nazarbaevqa zor densaýlyq jáne koronavırýs syrqatynan tezirek saýyǵyp ketýin tiledi.
Taraptar óńirlik qaýipsizdik pen turaqtylyqty qamtamasyz etý máselelerin talqylady. Ashraf Ǵanı Qazaqstannyń Aýǵanstandy áleýmettik-ekonomıkalyq turǵydan qalpyna keltirý jáne gýmanıtarlyq kómek kórsetý jónindegi júıeli is-qımyldaryn joǵary baǵalady.
Elbasy Aýǵanstan kóshbasshysyna jyly lebizderi úshin alǵys aıtyp, eki el arasyndaǵy dástúrli dostyq qarym-qatynastyń odan ári nyǵaıa beretinine senim bildirdi.
Telefon arqyly sóılesýge Aýǵanstan tarapy bastamashy boldy.