Aqtaýda 2001 jyly qazan aıynda ómirge kelgen úshem – Aqarys, Bekarys, Janarys Zekkenovter Otan aldyndaǵy áskerı boryshyn óteýge attandy.
«Bolashaq» kolledjinde sý kóligin paıdalaný mamandyǵy boıynsha bilim alǵan olar bıyl oqýdy aıaqtap óz erikterimen áskerge attanýǵa sheshim qabyldaǵan.
– Áskerde qyzmet etý bala kúngi armanymyz edi. Sebebi Otan aldyndaǵy boryshty óteý – erlik. Eldi, jerdi qorǵaý – árkimniń paryzy, mindeti. Abyroıly mindetti erik-jigermen oryndaıtynymyzǵa senimdimiz, degen Aqarystyń sózin baýyrlary qoldap-qýattap otyr.
Sportty janyna serik etken jas jigitter ózderin kóńildi, shıraq ustap, «Otan qorǵaýǵa daıynbyz» dep tur. Aqarys úsh jyldaı karatege qatyssa, Bekarystyń osy sport túrimen aınalysyp júrgenine toǵyz jyl bolǵan. Toǵyz jyl ishinde ol birqatar jarysta olja salyp, chempıon atanyp ta úlgergen. Al Janarys – kúreske qatysyp, atalǵan sport túriniń qyr-syryna qanyqqan balýan.
Endi olar Oral qalasynda Ulttyq ulan sarbazdary atanbaq. Mańǵystaý oblysy Qorǵanys isteri jónindegi departamenti bastyǵynyń tárbıe isi jónindegi orynbasary Qýandyq Berdiǵalıev áskerge baratyn jigitterge sáttilik tilep, el aldyndaǵy mindetti abyroımen oryndalýlaryna tilek bildirdi.
Mańǵystaý oblysy