"Eır Astana" Reseıden Qazaqstanǵa oralǵysy keletin otandastarymyz úshin Máskeýden charterlik reıs baǵyttaýdy josparlap otyr, - dep habarlaıdy Egemen.kz. Bul týraly áýe kompanııasynyń baspasóz qyzmeti málimdedi.
"Reıs Domodedovo áýejaıynan Nur-Cultan nemese Almatyǵa 2020 jyldyń 7 jáne 11 shilde aralyǵynda uıymdastyrylady. Bıletter baǵasy bir jaqqa − Nur-Sultanǵa 250 dollardan (shamamen 100 myń teńge) jáne Almatyǵa 300 dollardan (shamamen 120 myń teńge) bastalady", − delingen habarlamada.
Elge oralam deýshiler arnaıy formadaǵy ótinimdi toltyrý qajet. Kompanııa sizdiń ótinimińizdi alǵannan keıin 72 saǵat ishinde baılanysýǵa ýáde beredi. Sondaı-aq +7 (495) 287 70 08/09 telefonyna habarlasýǵa bolady.