Qazaqstan Respýblıkasynyń Dıplomatııalyq qyzmeti kúninde Harıýmaa, Ida-Vırýmaa, Tartýmaa jáne Lıaıane-Vırýmaa aýmaqtary konsýldyq okrýgimen Qazaqstan Respýblıkasynyń Qurmetti konsýldyǵy saltanatty túrde ashyldy. Mekeme basshysy retinde Estonııa Parlamentiniń eks-depýtaty, "Talinna Linnatranspordi" AQ basqarma tóraǵasy Denıs Borodıch taǵaıyndaldy. Bul týraly Egemen.kz mınıstrliktiń baspasóz qyzmetine silteme jasap habarlaıdy.
Qazaqstan Elshisi Nurlan Seıtimov óz sózinde Qurmetti konsýldyqtyń yntymaqtastyqtyń barlyq baǵyttaryndaǵy Qazaqstan-Estonııa qatynastaryn damytýdaǵy, ásirese elder arasyndaǵy saýda-ekonomıkalyq yntymaqtastyqty damytýdaǵy, sondaı-aq elimizdiń azamattary men zańdy tulǵalarynyń quqyqtary men múddelerin qorǵaýdaǵy mańyzdy rólin atap ótti.
Is-sharaǵa Lıaıane-Harıý aýdanynyń basshysy Iаnýs Saat, Paldıskı teńiz portynyń basshylyǵy, dıplomatııalyq korpýstyń, Estonııa Parlamentiniń (Rııgıkogý), aımaqtyń isker toptary men jergilikti basqarý organdarynyń ókilderi qatysty.