Prezıdent Qasym-Jomart Toqaev Úkimettiń keńeıtilgen otyrysynda koronavırýspen kúrestegi Úkimet pen ákimdikterdiń jumysyn synǵa aldy, dep habarlaıdy Egemen.kz.
"Úkimettiń jáne ákimderdiń qabyldanǵan sharalardy túsindirýinde olqylyqtar bar. Olardyń qoǵam pikirimen tıisti deńgeıde jumys isteı almaı otyrǵany baıqaldy", - dedi Qasym-Jomart Toqaev Úkimettiń keńeıtilgen otyrysynda.
"Bas sanıtarlyq dárigerdiń pikirine eshkim qulaq asqan joq. Kásibı daǵdy men uıymdastyrý jumysy jetkiliksiz boldy. Nátıjesinde biz gýmanıtarlyq kómek alyp, sheteldik mamandarǵa keńesteri úshin alǵys aıtyp otyrmyz", - dedi Memleket basshysy.