Qazaqstan Respýblıkasy Prezıdentiniń joldaýynda aıqyndalǵan "Halyq únine qulaq asatyn memleketti" qalyptastyrý jáne "Rýhanı jańǵyrý" baǵdarlamasyn iske asyrý aıasynda "Úzdik aýyl ákimi" Respýblıkalyq konkýrsy jarııalandy, - dep habarlaıdy Egemen.kz
Atalǵan baıqaýdyń óńirlik deńgeıi aǵymdaǵy jyldyń 25 mamyrda bastalyp, birinshi kezeńniń irikteýi aıaqtaldy.
Osy baıqaýǵa Almaty oblysynyń aýdan/qalalarynan memlekettik qyzmette ákim laýazymynda bir jyldan kem emes ótili bar, sondaı-aq alynbaǵan ákimshilik jáne tártiptik jazalary joq 17 aýyldyq okrýg ákimderi qatysyp, baqtaryn synady.
2020 jyldyń 30 maýsymynda "Úzdik aýyl ákimi" konkýrsynyń óńirlik komıssııasy onlaın rejıminde atalǵan úmitkerlerdiń usynylǵan qujattaryn, aýyldyq aýmaqty damytý boıynsha tanystyrý túrindegi slaıdtaryn jáne jobalyq jumystaryn qarap, II kezeńge 4 úmitker (aýyl ákimi) usynyldy.
Irikteýdiń I-kezeńinen ótken joǵaryda atalǵan qatysýshylar 2020 jyldyń 30 shildesinen keshiktirilmeı О́ńirlik komıssııamen jeke áńgimelesýden ótetin bolady.
Áńgimelesýdiń qorytyndysy boıynsha tek 1 jeńimpaz (aýyldyq okrýg ákimi) "Úzdik aýyl ákimi" respýblıkalyq konkýrstyq komıssııasyna qatysýǵa joldama alady.