Áleýmettik jelilerde "Úrli tóbe" ótkizý beketinde dári-dármekterdi zańsyz ustady degen aqparattyń taralýyna qatysty UQK resmı jaýap berdi, - dep habarlaıdy Egemen.kz.
Shekara qyzmeti 2020 jylǵy 9 shildede shekaralyq baqylaý kezinde taýar qujattary joq túrli ataýdaǵy 311 oraýyshtaǵy dárilik preparattaryn ustaǵandyǵyn, olardyń ataýlary boıynsha paketterge oralyp, eki jol sómkesine salynǵanyn rastap otyr.
"Sonymen birge, tasyp ótkizýshi adam dárilik preparattardyń qaıdan shyqqanyn jáne kimge arnalǵandyǵyn túsindire almaǵan.
Olardy ákelýdiń zańdylyǵyn anyqtaý úshin quzirettiligi boıynsha dárilik preparattar Pavlodar oblysy Ekonomıkalyq tergeý departamentine berildi, Taýarlar men kórsetiletin qyzmetterdiń sapasy men qaýipsizdik baqylaý departamenti habardar etildi.
Shekara qyzmeti dári-dármekterdi jeke maqsatta alyp kelýge kedergi etpeıtindigin jetkizemiz", - delingen habarlamada.