Fýtboldan Qazaqstannyń 21-ge deıingi jastar quramasy Eýropa chempıonatyna irikteý syndary aıasynda syrt alańda Armenııamen oıyn ótkizip, 2:1 esebimen jeńiske jetti.Bul týraly Vesti.kz tilshisi habarlady.
Oıyn Qazaqstan quramasynyń shabýylymen bastaldy. Bizdiń jigitter muny birinshi taımda golǵa aınaldyrdy. 31-mınýtta Abzal Beısebekovten tamasha pas alǵan «Shahter» oıynshysy Roman Mýrtazaev esep ashty. Alań ıeleri buǵan ekinshi taımda Davıd Akopıannyń golymen jaýap qaıtardy. Ol 48-mınýtta soǵyldy.
14 qazan. Erevan. V.Sargsıan atyndaǵy respýblıkanskıı stadıon.
Bas tóreshi: Krıs Raısh (Lıýksembýrg)
Armenııa: Manýkıan, A.Oganesıan, G.Oganesıan, Mınasıan (V. Mınasıan, 83), Pogosıan (Sardarıan, 74), Malakıan (Aıvazıan, 78), Papıkıan, Voskanıan, Mýradıan, Akopıan, Adamıan
Qazaqstan: Pokatılov, Sartakov, Qojabaev, Pasechnık, Beısebekov (Begalın, 86), Levın, Qýat, Ýlshın (Pıkalkın, 90), Aıaǵanov, Kalının, Mýrtazaev (Lı, 68)
Goldar: Mýrtazaev (31), Akopıan (48), Beısebekov (72).
Eskertýler: Mýradıan (82), Adamıan (85), N.Mınasıan (85) - Qýat (11), Levın (85), Sartakov (93).
Qonaqtar budan keıin birneshe shabýyl uıymdastyrdy. Olar 72-mınýtta osydan nátıje shyǵardy. Ilıa Kalınınniń bergen dobyn Abzal Beısebekov qaqpaǵa dál túsirdi. Osylaısha bizdiń qurama syrt alańda jeńiske jetti. Bul - bizdiń osy irikteý synyndaǵy ekinshi jeńisimiz. Alǵash ret Belorýssııa quramasyn syrtta utqan edik. Eske sala keteıik, Armenııany Astanada qabyldap, 0:1 esebimen ese jibergenbiz.
Sonymen birge, jaqynda ǵana Sergeı Borovskıı ketip onyń ornyna Andreı Ferepontov kelgen edi. Onyń birinshi match osylaı tabysty boldy.
Quramanyń kelesi oıyny aldaǵy jyly 5 naýryzda Islandııamen ótedi.
Damır Qojamqul.