Túrkistan oblysy, Túlkibas aýdanynda sońǵy bir aptanyń ishinde demeýshiler men eriktiler ortalyq aýrýhanaǵa 210 ottegi balonyn tartý etti. Igi bastama aýdan ákimdiginiń uıytqy bolýymen uıymdastyryldy, dep jazady Egemen.kz
Aýrýhanadaǵy balondardyń ottegisi taýsylǵan jaǵdaıda eriktilerge Shymkent qalasyndaǵy ottegi quıý beketinen toltyryp kelý úshin aýdan ákimdiginen gazel avtokóligi bólingen. Bul kólik táýligine 24 saǵat qyzmet etýde. Sonymen qatar, barlyq aýyldyq okrýg, kent ákimderi ózderiniń qyzmettik kólikteri men júrgizýshilerin aq halatty abzal jandarǵa berip, búginde 17 kólikpen jedel járdem brıgadalary úılerinde syrqattanyp jatqan turǵyndarǵa qatynaýda. Medısına mamandary naýqastardyń úılerin aralap, emdeýdi jalǵastyryp jatyr.