Orta Azııa elderinde pandemııa kúsheıip keledi. Keıingi kúnderi О́zbekstanda bir táýlikte 600-ge jýyq adam koronavırýs juqtyrdy. Bul – epıdemııa bastalǵaly tirkelgen eń úlken kórsetkish, - dep habarlaıdy Egemen.kz.
Jalpy, О́zbekstanda koronavırýs dıagnozy 14 myńǵa jýyq adamǵa qoıylyp, 60-tan astymy qaıtys boldy. Naýqastar sany artqandyqtan, kórshi el shildeniń 10-nan tamyzdyń 1-ne deıin qaıta karantın jarııalady.
Tájikstannyń Hýdjand qalasynda koronavırýs juqtyrý oqıǵalary birneshe esege ósken. Muny shahardyń COVID-19 taraýyna jol bermeý shtaby habarlady. Respýblıkada ınfeksııany 6500-deı adam juqtyryp, 50-den astam adam kóz jumdy.
Qyrǵyzstanda koronavırýs 11 myńnan astam adamnan tabylyp, 450 turǵyn qaza tapqan. Naýqastardy qabyldaý úshin kúndizgi jáne túngi stasıonarlar ashyldy.