Álemniń tórt elinde ınfeksııalanǵandar sany qarqynmen ósip keledi. Olar – AQSh, Brazılııa, Úndistan jáne Ońtústik Afrıka Respýblıkasy. Sońǵysy jaqynda Irandy basyp ozyp, koronavırýs juqtyrýdan planeta boıynsha birinshi ondyqqa kirdi, - dep habarlaıdy Egemen.kz Qazaqstan ulttyq arnasyna silteme jasap.
Munda jaǵdaı sonshalyqty aýyr deýge kelmeıdi: koronavırýs dıagnozy qoıylǵandar 276 myńǵa jetip, 4 myńnan astamy qaıtys bolǵan. Alaıda, OAR jańa aýrýǵa shaldyqqandardyń táýliktik sany boıynsha dúnıejúzinde tórtinshi orynǵa shyqty.
Bul memlekette álemdegi eń qatań karantın naýryzdyń sońynda jarııalandy. Biraq, ekonomıkany qutqarý úshin shekteýlerdi birte-birte jeńildetýge týra kelgen. Endi sol sharalarǵa qaıta oralý qajet bolyp otyr.
"Qara qurlyqta" Ońtústik Afrıkamen birge Mysyr da, Nıgerııa da, Aljır de, Marokko da Covid-19-dan kóp zardap shegip otyr.
Azııanyń túskeıine oıyssaq, Úndistanmen birge Pákistandaǵy epıdemııalyq jaǵdaı da qıyndap barady. Bul memleket juqtyrǵandar statıstıkasy boıynsha planetada 12 orynda tur: daýasy joq ınfeksııa 251625 pákistandyqtan tabylyp, 5300-ge jýyǵy qaıtys bolǵan.
Álemde koronavırýs oqıǵalarynyń kóbi eki Amerıkada tirkeldi. Brazılııada vırýs 1,9 mıllıonǵa jýyq adamnan anyqtalyp, 72 myńnan astamy qaıtys boldy.
Venesýela astanasy Karakas pen eldiń Mıranda shtaty da sársenbiden bastap karantınge qaıta jabylady. Ondaǵy maqsat – taǵy da kúsh alǵan epıdemııanyń betin qaıtarý. Vırýs juqtyrǵan myńdaǵan adamnyń ishinde sosıalıstik partııa lıderi de bar.
Qurama Shtattar – áli birinshi orynda. Munda qaýipti ınfeksııany juqtyrǵandar 3 mıllıonnan asyp, 140 myńǵa jýyǵy o dúnıelik boldy. Degenmen, jaǵymdy jańalyq ta bar. Amerıkada koronavırýsqa qarsy "Moderna" vaksınasy deni saý 45 adamǵa synalyp, óziniń qaýipsiz ári ımmýnıtettiń kúres qabiletin qozdyratynyn baıqatqan.