18 shilde saǵat 9:36-da Moıynqum aýdanynyń Moıynqum aýylynan 180 shaqyrymda, Qarabóget aýylynan 50 shaqyrym qashyqtyqta "Orman jáne janýarlar dúnıesin qorǵaý jónindegi Moıynqum mekemesi" KMM aýmaǵynda qumdy jerde aldyn ala málimet boıynsha 10 myń ga aýmaqta qurǵaq shóp pen sekseýil janǵan, dep habarlaıdy Egemen.kz
О́rtti aýyzdyqtaýǵa 219 adam, 51 birlik tehnıka jáne 1 tikushaq jumyldyryldy, olar TJD, "Orman jáne janýarlar dúnıesin qorǵaý jónindegi Moıynqum, Baızaq, Merki jáne Jýaly mekemeleri" KMM, Moıynqum aýdanynyń erikti órtke qarsy qurylymdary, "Qazavıaormanqorǵaý" RMK kúshteri men quraldary.
19 shilde saǵat 13:00-de T.Rysqulov aýdany Qulan aýylynan 100 shaqyrym jerde, Lýgovoı orman sharýashylyǵynyń aýmaǵynda, qumdy jerde qurǵaq shóptiń janýy oryn alyp, Merke aýdany Saryqoba ormanshylyǵy aýmaǵyna ótip, aldyn ala málimet boıynsha 8 myń ga aýmaqta órt shyqty. Saǵat 10:20-da órt aýyzdyqtaldy.
О́rtti sóndirýge TJD, EО́QQ, "Merki orman jáne janýarlar dúnıesin qorǵaý jónindegi mekemesi" KMM, "Lýgovoe orman jáne janýarlar dúnıesin qorǵaý jónindegi mekemesi" KMM 177 adam men 35 birlik tehnıka quramynda kúshteri men quraldary tartyldy.
Sonymen qatar, ótken táýlikte Almaty, Aqtóbe, Batys Qazaqstan, Jambyl, Qaraǵandy, Qostanaı, Pavlodar, oblystarynda qurǵaq shóptiń janýy joıyldy. О́rtti aýyzdyqtaýǵa TJD, erikti órt sóndirý qurylymdarynyń, orman sharýashylyqtarynyń kúshteri men quraldary jumyldyryldy.